2 Pita 3:17 - Holy Bible Nigerian Pidgin English

¹⁷ So, my friends, as una don know wetin go happen, make una shine una eye, so dat una nor go miss di way and fall from di trut wey una get, bikos na so pipol wey nor sirious, dey do.

2 Pita 3:17 ပူးပေါင်းရင်းမြစ်များ

Proverbs 1:17

E nor dey good to set trap wen di bird wey yu won katch dey look yu.

Matiu 16:11

Why una nor undastand sey I nor dey tok to una about bread? But na make una for guide unasef against wetin di Farisee and Sadusi pipol dey tish!”

Matiu 16:6

Jesus kon tell dem, “Make una guide unasef against di Farisee and Sadusi pipol yist.”

Matiu 7:15

“Make yu shine yor eye, bikos lie-lie profets go kom like sheep, but for inside dia heart, dem bi wiked animal wey dey kill.

John 16:4

But I tell una all dis tins, so dat wen di time rish, una go remember sey I tell una about dem before. I just dey tell una all dis tins, bikos I dey with una since.

Acts 2:42

Dem kon dey use all dia time dey learn wetin di apostles dey tish. Dem dey waka, help, chop and pray togeda.

Romans 16:18

Bikos dis kind pipol nor dey serve awa Oga God Jesus Christ, but na dia belle dem dey kare for. With dia sweet and wayo mout, dem go praiz and deceive pipol wey nor wise.

1 Korintians 10:12

So pesin wey tink sey e stand, make e take kare, if not, e go fall.

1 Korintians 15:58

So my friends, make una dey strong and nor let anytin shake una. Make una always dey do God work, bikos una know sey, evritin wey una do for God, get gain.

2 Korintians 11:3

But I dey fear sey, just as di snake deceive Eve with en wayo, una mind fit spoil komot for di true and di way wey una dey follow Christ.

Galatians 5:4

Pipol wey wont make pipol know sey dem dey good, bikos dem dey keep di law, dem don already fall komot from God grace.

Efesians 4:14

So make wi nor bi like shidren wey breeze dey karry up-and-down; shidren wey dey follow yeye tins wey human being dey tish and na dis tins dem dey take deceive pipol.

Filippians 3:2

Make una shine una eye, bikos of doz wey dey bihave like dogs and wiked pipol wey dey ponish dia body!

Kolossians 2:5

And even if I nor dey der with una, my spirit dey der and I dey happy sey una mind nor dey shange and una faith for Christ, still strong well-well.

Kolossians 2:8

Make una take kare and nor let anybody fool una with wayo tok about human being wisdom and spiritual pawas wey dey rule di world, but make una dey do as Christ wont.

2 Timoti 4:15

Make yu dey kareful with am, bikos e fight against evritin wey wi tok.

Hibru 3:14

Bikos wi go bi Jesus Christ friend, if wi whole awa faith strong go rish di end.

1 Pita 5:9

Make una nor gi-am shance, but make una faith strong, bikos una know sey na di same tin una brodas and sistas for evriwhere for dis world, dey sofa.

2 Pita 2:7

but E save Lot wey nor like wiked pipol life,

2 Pita 3:1

My friends, dis na di sekond leta wey I dey rite to una, so dat una go dey tink about di tins wey I tell una.

Revelashon 2:5

So, make yu remember where yu from fall and turn from sin kom meet God, den bigin do di tins wey yu first dey do. If yu nor gri turn from sin kom meet God, I go remove yor lampstand from where e dey.