2 Kronikles 9:23 - Holy Bible Nigerian Pidgin English

²³ Kings from evriwhere dey kom meet am make dem for hear from di wisdom wey God gi-am.

2 Kronikles 9:23 ပူးပေါင်းရင်းမြစ်များ

1 Kings 3:28

Wen Israel pipol hear how Solomon take judge di kase, all of dem kon dey respet am, bikos dem know sey na God gi-am di wisdom wey e take dey judge well.

1 Kings 4:34

All di kings for di world hear about en wisdom, so dem kon send pipol go listin to am.

2 Kronikles 9:22

So King Solomon kon get money well-well and wise pass any oda king wey dey dis eart.

2 Kronikles 9:24

Evribody wey dey kom visit Solomon, dey bring gift wey bi gold, silva, klot, war tins, spices, horse and melu kom meet am.

Proverbs 2:6

Na God dey give wisdom! Na from en mout knowledge and undastandin dey from kom.

Isaya 11:10

Di day dey kom wen di new king from David family go bi sign to all di nashons. Pipol go gada for en royal town; gi-am respet kon ask make e guide dem.

Isaya 11:2

God Spirit go dey with am. E go gi-am di Spirit wey dey give wisdom; di Spirit wey dey give knowledge and di Spirit wey dey give good undastandin. E go still gi-am di Spirit wey dey give pawa and di Spirit wey go make am rule well. E go gi-am di Spirit wey go make am fear God and do wetin E wont.

Daniel 1:17

God kon give dis four men good sense; difren gift and wisdom. God give Daniel di gift to take tell pipol wetin vishon and dreams, mean.

Daniel 5:11

E get one man for dis yor kingdom wey get di holy gods spirit inside am. Di time wey yor papa, Nebukadnezzar bi king, naim dey kommand all di wise men for Babilon.

Luke 21:15

bikos I go give una di word wey una go tok and wisdom wey una enemy nor go fit oppoz.

1 Korintians 1:30

Una don bi Christ friends bikos of God and na thru Christ wi get wisdom, goodness and holiness wey kom from God;

1 Korintians 12:8

Some among us dey fit speak with wisdom and odas with knowledge, but na di same Spirit dey give us all dis gifts.

Efesians 1:17

I pray make God, awa Oga God Jesus Christ Papa wey get glory, give una spiritual wisdom and revelashon, wey go make una know am well-well.

James 1:5

But if anybody nid wisdom, make e ask God wey dey gi-am to evribody. E nor go sey, “No,” but E go give yu.

James 3:17

But God wisdom dey pure; e get peace; dey gentol; dey asept pipol and good fruit and mesi full am; e nor dey do wayo or pritend.