2 Kronikles 7:17 - Holy Bible Nigerian Pidgin English

¹⁷ Yu must serve mi, just as yor papa David do. Make yu do evritin wey I kommand and obey my rules well-well.

2 Kronikles 7:17 ပူးပေါင်းရင်းမြစ်များ

1 Kings 11:38

If yu obey and follow my laws and yu win my heart as yu dey obey my kommand, just as David my savant do, I go always dey with yu. I go make yu king for Israel and I go make sure sey yor shidren-shidren go rule afta yu, just as I do for David.

1 Kings 2:3

kon do evritin wey di Oga yor God kommand yu. Make yu obey en laws and kommand, just as Moses rite dem, so dat yu go prosper for evriwhere and anytin wey yu dey do.

1 Kings 3:14

And if yu obey and keep my laws and kommand, just as David yor papa do, I go give yu long life.”

1 Kings 8:25

And naw, my Oga! Yu wey bi Israel pipol God, I dey pray make Yu do all di oda tins wey Yu promise my papa wen Yu sey, na only en shidren-shidren go bi king for Israel, as long as dem obey Yu, just as dia papa, David obey Yu.

1 Kronikles 28:9

Den e tell Solomon, “My pikin, I kommand yu sey make yu know yor papa God and make yu use all yor mind and heart take serve am. E know all wetin wi dey tink and wetin wi wont. If yu go meet am, E go take yu, but if yu turn from am, E go abandon yu forever.

2 Kronikles 6:16

My Oga wey bi Israel God, make Yu do wetin Yu promise yor savant, my papa David, wen Yu sey, ‘Na yor shidren and shidren-shidren go dey rule for Israel, so-far dem do wetin I tok kon obey my laws, just as Yu obey mi.’

2 Kronikles 7:16

I don choose and santify dis temple, so dat e go bi my permanent house; I go always dey here.

2 Kronikles 7:18

Den I go make yor shidren rule forever, just as I promise yor papa David sey, ‘Yu go always get pikin wey go rule ova my pipol, Israel.’

Psalms 105:45

All dis tins happen make dem for dey follow God laws kon obey en kommand. So make wi praiz di Oga wey bi awa God!

Psalms 119:5

If to sey I fit live my life just as Yu tok

Ezekiel 36:27

I go give una my spirit kon make sure sey una dey follow my laws and keep all di kommandment wey I give una.

Zekaraya 3:7

“God wey dey mighty sey, ‘If yu obey my laws kon keep my kommands, na yu go bi oga for my temple and for my kourt and I go add yu join all dis angels wey dey my side naw.’

John 14:21

Anybody wey hear and do wetin I tok, love mi. Di pesin wey love mi, mi and my Papa go love am too and I go show am who I bi.”

John 15:10

If una do wetin I tok, I go love una, just as I dey obey wetin my Papa tok and E love mi.

Deutronomi 4:40

If una obey all di laws and kommand wey I dey give una today, e go betta for una and una shidren. I dey give una dis kommand, so dat una go get long life for di land wey di Oga una God dey give una forever.