2 Kronikles 7:1 - Holy Bible Nigerian Pidgin English

¹ Wen Solomon don pray finish, fire kom down from heaven kon burn di ofrin and di sakrifice, den God present kon full inside di temple.

2 Kronikles 7:1 ပူးပေါင်းရင်းမြစ်များ

Jenesis 15:17

Wen evening rish and day don dark, one pot wey dey bring smoke with fire and dey shine like tosh kon pass between di animals wey Abram sakrifice.

1 Kings 18:24

Una go koll una god name and I go koll my God name. Den, di one wey go ansa with fire, na-im bi di true God.” All di pipol ansa, “Dis test na good one.”

1 Kings 18:38

At wons, fire from God kon fall from heaven. Di fire burn di ofrin, di wood, di stones and di dirty kon dry di wota wey dey di gutta.

1 Kings 9:1

Afta Solomon don build di temple, di palis and evritin wey e won build,

1 Kronikles 21:26

E build altar for der for God kon do burnt and fellowship ofrin for di altar. E pray and God kon ansa am, bikos E send fire from heaven kon burn di sakrifice for di altar.

Psalms 26:8

Oga God, I love yor temple; di place where Yu dey and where yor glory for dey shine.

Exodus 19:18

Smoke kover Mount Sinai, bikos God land on-top di mountin with fire. Di smoke dey go up like oven own and di mountin kon dey shake well-well.

Exodus 29:43

I go meet Israel pipol for der too, bikos my present wey karry glory don make am holy.

Isaya 65:24

Even before dem go pray to mi, I go ansa dia prayers and as dem still dey tok, I go hear dem.

Ezekiel 43:5

Den God Spirit karry mi go inside di kourtyard and God glory full di temple.

Ezekiel 44:4

Den di man take mi pass di gate for nort go di temple front. As I still dey look, I kon si God glory dey shine for di temple. At wons, I fall face groun

Daniel 9:20

As I still dey pray, dey konfess and beg God make E forgive mi and Israel pipol sin kon sorry for en holy temple,

Malakai 3:4

Den God go happy with di kind sakrifice wey Judah and Jerusalem pipol go bring kom gi-am, just as E dey happy with dem before.”

Acts 4:31

Wen dem pray finish, di place wey dem gada put kon dey shake. Di Holy Spirit enter all of dem and dem kon dey prish God Word with pawa.

Revelashon 21:23

Di town nor nid sun or moon to shine, bikos God glory dey shine put and na di Lamb bi en lite.

Judges 6:21

God angel tosh di meat and bread with di stik wey e hold and fire kom out from di rock kon burn di food finish. Den di angel disappear.