2 Kronikles 6:5 - Holy Bible Nigerian Pidgin English

⁵ E tell David sey, ‘Since di day I take my pipol komot from Egypt, I nor choose any town from all di tribe for Israel wey go build di temple wey I go stay or sey I choose one man as pesin wey go lead my pipol Israel.

2 Kronikles 6:5 ပူးပေါင်းရင်းမြစ်များ

1 Kings 8:16

‘From di time wey I bring my pipol kom out from Egypt, I neva choose any town among Israel land where dem go build temple put to woship mi, but I choose yu, David, so dat yu go rule my pipol.’ ”

2 Kings 21:4

E build juju altar for God Temple, even wen God don sey, “Jerusalem na my house.”

1 Kronikles 17:5

Bikos since di time wen I take Israel pipol komot from Egypt kon rish naw, I neva stay for any house. Na difren tent I dey stay for evriwhere.

2 Kronikles 12:13

King Rehoboam kingdom kon strong well-well for Jerusalem. E bi forty-one years wen e start to rule and e rule for seventeen years from Jerusalem, di town wey God choose among all Israel tribe as en house. King Rehoboam mama kom from Ammon and en name na Naamah.

2 Kronikles 20:8

Dem stay di town kon build temple put as respet for Yu sey,

2 Kronikles 20:9

‘If wahala kom meet us like sojas attack us, judgement, sickness or sey food nor dey, wi go kry kon meet Yu with awa pain, so dat Yu go hear and diliver us.’

2 Kronikles 30:8

Make una nor dey sturbon like una papa, but make una obey God as una dey kom en house wey E don make holy forever. Make una serve am forever, so dat E nor go vex for una.

2 Kronikles 33:4

Manasseh build altars for God Temple, di place where God for sey, “Jerusalem go bi my house forever.”

2 Kronikles 33:7

Di juju image wey e make, e put am for God Temple, di place wey God tell David and Solomon en pikin sey, “Dis temple for Jerusalem, na-im I don choose among Israel land, as my house forever.

2 Kronikles 6:20

Make Yu wosh ova dis temple both for nite and day, bikos Yu promise sey Yu go stay here. Make Yu ansa di prayer wey yor savant dey pray for dis place.

2 Kronikles 6:4

E sey, “Make all praiz bi di Oga wey bi Israel God own, bikos E don do wetin E promise my papa David.

2 Kronikles 6:6

But naw, I don choose Jerusalem as di place where I go stay and I don choose David make e lead my pipol.’

2 Kronikles 7:16

I don choose and santify dis temple, so dat e go bi my permanent house; I go always dey here.

Ezra 7:16

Make yu still take all di gold and silva wey yu fit kollect from Babilon and di ofrin wey Israel pipol and dia priests give for dia Oga God Temple for Jerusalem.

Exodus 20:24

“ ‘Make una use mud build altar for mi kon sakrifice una animals and do peace ofrins for mi. Anywhere wey una for honor my name, I go kom meet and bless una for der.

Exodus 23:21

Make una listin and obey en vois; make una nor disobey am, bikos e nor go forgive una sins and e dey ansa my name too.

Daniel 9:19

So make Yu forgive us! Make Yu kwik hear and ansa us. Nor bi just for yor town and en pipol, but na to make pipol honor and praiz yor holy name.”

Zekaraya 3:2

So Oga God tell Satan, “Satan! Mi wey bi God rijet all wetin yu tok. Yes! God wey love Jerusalem go kondemn yu. Dis man nor bi like stik wey dem take komot from fire?”

Deutronomi 12:11

una must bring evritin wey I kommand una: una burnt ofrin; sakrifice ofrin; tithe and vow ofrin kom di place wey God choose as where dem go for woship and honor en name.

Deutronomi 12:5

but una must woship di Oga una God for where en ensef go choose from among all di tribes and na der una go for honor en name.

1 Samuel 10:24

Samuel tell di pipol, “Una don si di pesin wey God don choose? True-true, nobody bi like am for di whole Israel!” All di pipol kon shaut, “Di king go stay forever!”

1 Samuel 15:23

Bikos to go against am, bi like wen pesin chop witch and to dey show sturbon head, bi like wen yu dey woship juju. So bikos yu don rijet di word wey God tell yu, en ensef don rijet yu as king.”