2 Kronikles 6:27 - Holy Bible Nigerian Pidgin English

²⁷ Make yu listin from heaven kon forgive yor savants wey bi yor pipol Israel. Den, Yu go tish dem di rite way wey bi life kon make rain fall for yor land wey Yu give dem to stay.

2 Kronikles 6:27 ပူးပေါင်းရင်းမြစ်များ

2 Kronikles 7:14

if my pipol go honbol demsef kon pray to mi and turn from dia sins, I go hear and ansa dem from heaven kon forgive dia sins, den heal dia land.

Psalms 119:33

My God, make Yu tish mi yor laws and I go obey dem till I die.

Psalms 25:12

How wi go take know doz wey dey fear God? Na doz wey God go show di rite road wey dem go follow.

Psalms 25:8

God dey good and E dey do wetin dey rite; E dey show di rite road to pipol wey dey waka lost.

Psalms 68:9

My God, na Yu make rain dey fall for yor pipol land. Wen yor pipol don taya, na Yu dey give dem pawa,

Psalms 94:12

So Oga God, make di pipol wey Yu dey ponish, happy. Doz wey Yu dey tish yor ways.

Isaya 30:21

Una go hear one vois dey tok from una back sey, “Na di korrect way bi dis, make una waka pass der,” weda una dey waka go rite or left.

Jeremaya 14:22

Just as no one among di juju for dis nashon fit bring rain, na so too di sky nor fit make rain fall by ensef. So wi don put awa hope for yor hand. Na Yu bi awa God, bikos na only Yu fit do all dis tins.”

Jeremaya 42:3

Make yu pray make di Oga awa God show us where wi go-go and wetin wi go do.”

Jeremaya 5:24

Dem neva even tell diasef wons sey, ‘Make wi try fear di Oga wey bi awa God. Bikos na-im dey send rain kom for harvest time.’

Jeremaya 6:16

God tell en pipol, “Make una stop and look round. Mi, wey bi God, don tok. Ask for di old way wey bi God own and make una follow am.” But dem ansa, “Dat nor bi di way wey wi like to follow!”

Ezekiel 34:26

I go bless dem kon let dem stay near my holy hill and for der, I go bless dem with betta rain anytime wey dem wont am.

Joel 2:12

Dis na wetin make God sey, “Make una turn from sin kom meet mi naw wey time still dey. Make una give mi una heart. Make una fast, kry and mourn as una dey kom meet mi.

Joel 2:13

Nor bi just to tear una klot, but make una heart show sey una don turn from sin kom meet mi.” Make una kom back kon meet di Oga wey bi una God. E dey kind and dey show mesi; E dey patient and dey keep en promise; E always dey ready to forgive and nor bi to ponish pipol.

Joel 2:23

Zion pipol, make una happy, bikos of wetin Oga God do for una. Bikos E don give una rain. E send both di early and late rain kom meet una, just as E dey do before.

Mikah 4:2

Pipol from many nashons go kom and dem go sey, “Make una kom make wi go di Oga mountin wey bi Jakob God house, so dat E go tish us en laws and wi go do evritin just as E wont am.” Nor bi only di pipol for Zion and Jerusalem go hear God word, but oda nashons go hear am too.

Zekaraya 10:1

Make una ask God for rain wen rainin sizin rish, bikos na God dey give rain wey dey make evritin wey pipol plant, grow.

John 6:45

Na so di profets rite sey, ‘God go tish evribody.’ Anybody wey hear wetin my Papa tok, go kom meet mi.