2 Kronikles 6:14 - Holy Bible Nigerian Pidgin English

¹⁴ kon pray: “Awa Oga wey bi Israel God, e nor get any god wey bi like Yu for heaven or for dis eart! Yu dey show yor goodness to yor savant wey dey obey and respet Yu.

2 Kronikles 6:14 ပူးပေါင်းရင်းမြစ်များ

Jenesis 17:1

Wen Abram na ninty-nine years, God appear to am kon sey, “Na mi bi di Oga God wey get pawa. Follow mi waka and nor-tin go do yu.

Jenesis 33:20

For der, e build one altar kon name am, “Na Israel God bi God.”

Jenesis 35:10

God tell am, “Yor name na Jakob, but pipol nor go koll yu Jakob again; na Israel dem go dey koll yu.” So, God koll am Israel.

Jenesis 5:24

Enoch waka with God, den e vanish, bikos God take am.

2 Samuel 7:22

Oga God! Yu dey great! Nobody bi like Yu. Na only Yu bi God. Wetin wi don hear, na true!

1 Kings 18:36

Wen time rish to do di evening ofrin, Profet Elijah waka go di altar go pray, “My Oga God wey bi Abraham, Isaak and Israel God! Make Yu show today sey, na Yu bi Israel God and I bi yor savant wey dey do di tins wey Yu kommand.

1 Kings 3:6

Solomon ansa, “Yu show great love to David my papa wey bi yor savant and e dey good, dey respet and always dey honor Yu. Yu still show am yor great love wey nor dey end, wen Yu make one of en pikin king afta am.

1 Kings 6:12

“But for dis temple wey yu dey build, If yu obey all my laws and kommand, evritin wey I promise yor papa David, I go do dem for yu.

1 Kings 8:23

kon pray, “Di Oga wey bi Israel pipol God; e nor get any god wey bi like Yu for heaven or for eart! Yu do wetin Yu promise yor pipol kon show dem yor love, bikos dem obey Yu with dia whole heart.

1 Kronikles 29:10

For der wey all di pipol gada put, David praiz God kon sey, “God wey awa papa Jakob serve, wi praiz yor name forever!

1 Kronikles 29:20

Den David kommand en pipol, “Make una praiz di Oga wey bi una God!” And all di pipol praiz di Oga wey bi dia papa God kon bow honor en and di king.

2 Kronikles 20:6

kon pray: “My Oga wey bi awa grand-grand papa God, na Yu bi God wey dey for heaven and na Yu dey rule di whole world. Na Yu get all pawa and nobody fit stand against Yu.

2 Kronikles 6:17

My Oga wey bi Israel God, make Yu keep di promise wey Yu make to yor savant David.

Nehemaya 1:5

“Oga God for heaven! Yu big well-well and wi dey fear Yu. God wey keep en promise with doz wey love and dey do wetin E kommand.

Psalms 86:8

My God, no oda god bi like Yu. No one fit do wetin Yu dey do!

Psalms 89:28

I go love and dey kind to am forever and my kovenant with am, nor go ever end.

Psalms 89:6

My God, na who pipol won take kompare Yu for all di heavens? E get any angel wey bi like God?

Psalms 89:8

My Oga God wey dey rule evriwhere! Nobody dey strong like Yu, bikos Yu always dey do good.

Exodus 15:11

My Oga God! Who bi like Yu among oda gods? Who bi like Yu? Di One wey dey holy, wey dey do mirakles and great tins?

Exodus 3:15

God still tell Moses, “Yu must tell Israel pipol sey, ‘God wey bi una grand-grand papa God; di Pesin wey bi Abraham, Isaak and Jakob God, na-im send mi kom meet una.’ Dis na my name forever and dis na wetin pipol go take remember mi from one generashon go rish anoda.

Exodus 8:6

So as Aaron stresh di stik on-top di wota wey dey Egypt, frog kom full evriwhere for di land.

Jeremaya 10:16

Jakob God nor bi like dem; na-im kreate evritin and E don choose Israel as en own pipol. En name na God wey dey mighty.”

Jeremaya 10:6

I sey, “My God! Nobody bi like Yu. Yu dey mighty and yor name dey great with pawa.

Daniel 9:4

I pray to God kon konfess all di bad tins wey wi don do sey: “God! Yu get pawa well-well and wi dey honor Yu. Yu dey keep yor promise and Yu love pipol wey love and dey obey Yu.

Luke 1:50

E dey show en mesi to evribody wey dey fear am for evry generashon.

Luke 1:6

Dem dey do wetin God like, dey follow all di tins wey God tok for en word.

Luke 1:72

E do dis tins to show en love for awa grand-grand papa dem and to remember di promise wey E give dem.

Deutronomi 3:24

“My Oga God, yu don start to show mi yor pawa and how Yu strong rish. (Na wish god for heaven or eart go fit do wetin Yu dey do so?)

Deutronomi 4:39

So make una remember dis tins kon keep am well for una heart: Na di Oga God bi God, both for heaven and for eart and know oda god, dey.

Deutronomi 7:9

So make una undastand sey, di Oga una God na en really bi God. Na en bi di God wey dey keep en kovenant for tazon generashon kon dey show en love wey nor dey end to doz wey love and dey obey en kommand.

1 Tesalonians 2:12

Wi dey advise, beg and tok to una sey, una must live una life as God wont, bikos na-im koll una enter en own kingdom and glory.