2 Kronikles 5:2 - Holy Bible Nigerian Pidgin English

² Den Solomon sey make all di eldas for Israel, plus all di leaders for di tribes and family for Israel, kom meet am for Jerusalem, so dat dem go dey der wen dem dey karry di Kovenant Box kom from David Town (wey bi Zion).

2 Kronikles 5:2 ပူးပေါင်းရင်းမြစ်များ

2 Samuel 5:7

But David win Zion take and dem kon dey koll am, “David Town.”

2 Samuel 6:12

David hear sey God don bless Obed-Edom family and evritin wey e get, so e kon karry di Kovenant Box komot from Obed-Edom house go Jerusalem as dem dey celebrate.

1 Kronikles 15:1

David build many house for ensef for en own town. E still make one place for God Kovenant Box.

1 Kronikles 15:12

E tell dem, “Na una bi leaders for Levi tribe. Make una klean all Levi pipol and unasef, so dat una go fit bring di Oga wey bi Israel God, Kovenant Box kom di place wey I make for am.

1 Kronikles 15:25

So King David, Israel leaders and all di sojas oga, go Obed-Edom house go karry di Kovenant Box kom Jerusalem and dem kon dey sing and dance.

1 Kronikles 15:3

So David gada Israel pipol go Jerusalem make dem go bring di Kovenant Box kom di place wey e make for am.

1 Kronikles 16:1

Dem karry di Kovenant Box go put for di tent wey David make for am. Den dem do sakrifice kon woship God.

1 Kronikles 24:31

Just like di leaders for Aaron family, dem divide dia work give dem with dice wey dem trow without sey dem use age or rank. King David, Zadok, Ahimelek, di priests and di leaders for Levi tribe dey der and dem do evritin for dia front.

1 Kronikles 24:6

Di seketry, Shemaya wey bi Netanel pikin from Levi tribe kon rite dia names give di king, di ofisas, Priest Zadok, Ahimelek wey bi Abiatar pikin and di leaders among di priests and Levi family. Dem choose each family with di dice wey dem trow for Eleazar and Itama.

1 Kronikles 26:26

Evry gift wey King David, di leaders, doz wey dey lead tazon and hundred sojas dedikate give God, na Shelomit and en relashon dey guide dem for di temple.

1 Kronikles 28:1

King David kommand and gada all di offisa for Jerusalem. So all di ofisas for di tribe wey dey do di kingdom work; di family leaders; doz wey dey look di propaty and di animals wey di king and en shidren get; all di ofisas for di palis; di sojas oga and all di men wey pipol dey respet kon gada for Jerusalem.

2 Kronikles 1:4

(For dis time, David don take di Kovenant Box from Kiriat-Jearim go di place wey e prepare for am for Jerusalem.

2 Kronikles 5:1

Wen Solomon don build God Temple finish, di holy tins wey bi en papa David own (tins like: silva, gold and all di oda tins) e pak dem put inside di store room for di temple.

2 Kronikles 5:12

Levi pipol wey dey play music na, Asaf, Heman, Jedutun and dia sons and brodas. All of dem wear linen kon stand for di east side for di altar dey play cymbals, lyres and harps. 120 priests wey dey blow trumpet, kon join dem too.

Psalms 2:6

“I don choose my king for Zion wey bi my holy hill.”

Psalms 87:2

God love Jerusalem pass any oda town for Israel.

Levitikus 9:5

So dem take evritin wey Moses kommand go di tent front and di whole kommunity gada for der kon woship God.

Nombas 10:33

Wen di pipol don komot from Sinai, wey bi di holy mountin, dem kon travel for three days. God Kovenant Box dey with dem for dat three days wey dem travel so and dem kon dey find where dem go fit rest put small.

Nombas 10:36

And wen di box stop, Moses go sey, “My God! Make Yu kom back kom meet Israel, yor pipol wey plenty.”