2 Kronikles 5:13 - Holy Bible Nigerian Pidgin English

¹³ Doz wey dey blow trumpet and doz wey dey sing kon dey sing togeda dey praiz and give God all di glory. With di trumpet, cymbals and oda instruments, evribody kon dey shaut praiz God dey sey: “God dey good! En love and goodness, na forever and ever!” At wons, one kind tick kloud kon kover God Temple.

2 Kronikles 5:13 ပူးပေါင်းရင်းမြစ်များ

1 Kronikles 16:4

David tell some Levi pipol sey, make dem lead di pipol as dem dey woship for di Kovenant Box front kon dey sing and praiz di Oga wey bi Israel pipol God.

2 Kronikles 20:21

Jehoshafat go meet en pipol kon choose doz wey go dey sing and praiz God wey dey holy. As dem dey mash go meet di sojas, dem kon dey sey, “Make wi tank God, bikos en love na forever and ever.”

2 Kronikles 20:22

As dem dey sing, na wons God attack Ammon, Moab and di men from Mount Seir wey dey kom fight Judah pipol, so Judah men win all of dem.

2 Kronikles 7:1

Wen Solomon don pray finish, fire kom down from heaven kon burn di ofrin and di sakrifice, den God present kon full inside di temple.

2 Kronikles 7:2

Di priests nor fit enter God Temple, bikos God present full der.

2 Kronikles 7:3

Wen evribody for Israel si sey fire kom down and God present full di temple, dem knee down kon face groun. Dem kon dey woship and tank God dey sey, “True-true, God dey good; en love wey nor dey fail, go dey forever!”

2 Kronikles 7:6

Di priests stand for where dem put dem, plus all di Levi pipol wey dey play music to take praiz God. (Dis na di tins wey King David make to take give God tanks and David dey use dem wen ever e dey praiz God sey, “True-true, yor love dey with us forever.”) Di priest stand near Levi pipol dey blow di trumpets, while evry oda tribe for Israel, stand dey praiz God.

Ezra 3:11

Dem sing praiz God sey: God dey good and en love for Israel nor dey end. Evribody kon bigin shaut praiz God with all dia pawa, bikos dem don start work for di temple.

Nehemaya 12:27

Wen dem won dedikate di new wall for Jerusalem, dem sey make Levi pipol from evriwhere for di land kom Jerusalem kon support dem for di party. Dem sey make dem join for dis serimony as dem dey sing and tank God with dia cymbals, harp and lyres.

Psalms 100:5

Bikos God dey good, en love wey nor dey fail dey forever and E dey good from one generashon go rish anoda.

Psalms 106:1

Make wi praiz God! Make wi tank am, bikos E dey good! E love wey nor dey fail, dey forever.

Psalms 107:1

Make wi tank God, bikos E dey good! En love wey nor dey fail, dey forever.

Psalms 118:1

Make wi tank God, bikos E dey good and en love dey-dey forever.

Psalms 150:3

Make wi praiz am with trumpet sound; make wi praiz am with jita and harp!

Psalms 150:5

Make wi dey nak cymbals togeda as wi dey praiz am. Yes! Make wi praiz am with loud cymbals.

Psalms 22:4

Awa grand-grand papa dem trust Yu and Yu save dem.

Psalms 81:2

Make una sing and play sheke-sheke. Make una use jita and harp play sweet music.

Exodus 29:43

I go meet Israel pipol for der too, bikos my present wey karry glory don make am holy.

Isaya 52:8

Pipol wey dey guide di town, dey shaut as dem dey happy, bikos dem don si sey God dey kom back to Zion.

Jeremaya 32:39

Di only tin wey I go let dem do for dis life: na to always dey honor mi, bikos na for dem and dia shidren-shidren good.

Jeremaya 33:11

Una go hear am kon shaut with happiness, with joy and belle go sweet una wen una dey do marriage. Una go hear pipol dey sing as dem dey kom tank mi with dia ofrin. Dem go sey, ‘Make wi tank God wey dey mighty, bikos E good well-well and en love dey forever.’ I go make dis land prosper as e bi before. Mi, wey bi God, don tok.”

Acts 4:32

All di pipol wey bilive Jesus Christ kon dey do tins togeda with one mind and nobody sey e go use wetin e get for ensef alone, so dem kon dey share dia propaty togeda.

Romans 15:6

so dat as una dey togeda, una go fit use one vois praiz God, wey bi awa Oga God Jesus Christ, Papa.

Revelashon 15:8

Den, smoke kon full di temple with God glory and pawa. And nobody fit enter until di seven wahala wey di angels bring, don komplete.