2 Kronikles 34:3 - Holy Bible Nigerian Pidgin English

³ For di eight years wen e dey rule, even doh e still dey yong, e start to serve God wey en grand-grand papa David serve. For di twelft year, e bigin distroy all di place where dem for dey serve juju: Asherah juju and all di oda juju.

2 Kronikles 34:3 ပူးပေါင်းရင်းမြစ်များ

1 Kings 13:2

Just as God kommand, di profet curse di altar kon sey, “Dis altar! Dis altar! Na wetin God tok bi dis. Dem go born one pikin wey en name go bi Josaya for David family and e go kut and burn di pagan priest wey dey serve and do sakrifice for dis altar.”

2 Kings 10:27

Dem break di juju image and en house and na der pipol dey shit put kon rish today.

2 Kings 18:4

E distroy di high place dem with dia juju, shrine and Asherah juju. E still distroy di bronze snake wey Moses make, bikos till dat time, Israel pipol still dey offa sakrifice gi-am. Dem dey koll am, “Nehushtan.”

2 Kings 20:5

“Make yu go back go meet Hezekaya, wey dey rule my pipol kon tell am sey, ‘Mi God wey bi yor grand-grand papa David God don hear yor prayer and si as yu dey kry. I go heal yu and afta three days yu go-go back to di temple.

2 Kings 23:14

E skata dia juju pila finish kon kut Asherah juju pole rish groun, den e pak human being bones full di shrine.

2 Kings 23:4

Di king kon orda Hilkaya wey bi di High Priest, di priest wey follow am and di guards sey, evritin wey dem take dey woship Baal and Asherah juju and all di stars wey dey God Temple, make dem bring am kom out. Di king burn dem outside Jerusalem for Kidron Valley kon karry dia ashes go Bethel.

1 Kronikles 22:5

David kon tink and sey, “Di temple wey Solomon wey bi my pikin go build, must fine well-well, but e still yong naw and e nor know anytin, so I must prepare tins for am.” So David gada many tins keep for Solomon before e die.

1 Kronikles 28:9

Den e tell Solomon, “My pikin, I kommand yu sey make yu know yor papa God and make yu use all yor mind and heart take serve am. E know all wetin wi dey tink and wetin wi wont. If yu go meet am, E go take yu, but if yu turn from am, E go abandon yu forever.

1 Kronikles 29:1

King David tell all di pipol, “Na Solomon my pikin God choose, but e still dey yong and e neva sabi many tins. Di work wey dem won do dey hard, bikos dis nor bi palis for man, but na temple for di Oga awa God.

2 Kronikles 14:6

E build many towns wey dem protet well for Judah and for many years, dem nor fight war, bikos God don give dem peace.

2 Kronikles 15:2

E go meet King Asa kon tell am, “King Asa, Judah and Benjamin tribe, make una listin to mi! As long as una dey obey God, E go always dey with una. If una koll am, E go ansa una, but if una rijet am, E go rijet una too.

2 Kronikles 30:14

Dem remove di juju and incense altars from Jerusalem kon trow dem for Kidron Valley.

2 Kronikles 33:15

E remove all di juju and image dem from God Temple. All di altars wey e build for di hill for God Temple and for Jerusalem, e trowey dem.

2 Kronikles 33:17

Di pipol still dey offa sakrifice for di high place, but na only to dia Oga wey bi God.

2 Kronikles 33:22

E nor obey God just as Manasseh en papa bin do. E do sakrifice for all di juju wey en papa make.

2 Kronikles 34:33

King Josaya remove all di juju from Israel pipol aria kon advise dem sey make dem serve God. For di time wen Josaya dey rule, di pipol nor sin against di Oga wey bi dia grand-grand papa God.

Psalms 119:9

Di only way yong pesin go if live betta life, na to obey God word.

Psalms 71:5

bikos na only Yu bi my hope and na from wen I bi small pikin, I don dey trust Yu kom rish naw.

Exodus 34:13

But una must distroy dia altars; skata dia images and kut dia Asherah juju poles trowey.

Proverbs 20:11

Even shidren dey show who dem bi with wetin dem dey do; den yu go fit know if dem good and dey honest.

Proverbs 8:17

I love only doz wey love mi; anybody wey dey look for mi, go si mi.

Ekklesiastes 12:1

So, make yu remember and honor di Pesin wey kreate yu naw wen yu still dey yong, bikos wen yu don old, yu go sey, “Life nor sweet again.”

Levitikus 26:30

I go distroy di place where una for dey woship on-top di hills kon skata una incense altars, den kill and trowey una dead body near una juju wey don fall. I go rijet una finish.

Mikah 1:5

All dis tins go happen bikos of Israel pipol sturbones and sin. Una ask sey, “Na how wi take sturbon? Na who dem go blame for Israel pipol sturbones?” Nor bi Samaria wey bi di main town! “Where di place wey dem for dey serve juju?” Na Jerusalem dem dey!

Matiu 6:33

But make una first do di good tins wey God wont and evry oda tin go bi una own.

2 Timoti 3:15

Dem don tish yu God word since yu bi small pikin and yu don get salvashon to receive di wisdom wey dey kom thru Christ, wey yu trust.