2 Kronikles 33:6 - Holy Bible Nigerian Pidgin English

⁶ E sakrifice en sons for fire for Ben-Hinnom Valley kon dey do juju and many bad-bad tins. E dig one pit and for der, doz wey don die, dem dey koll dia spirit kom back to life. E put majishan make dem dey supavise am. E do many wiked and bad tins wey make God vex.

2 Kronikles 33:6 ပူးပေါင်းရင်းမြစ်များ

1 Kings 16:33

E still build Asherah juju. Di tins wey e do, make God vex pass wetin all di oda kings for Israel don do before.

2 Kings 17:17

Dem offa dia shidren as sakrifice and dey do majik and oda bad-bad tins. Dem decide to dey do bad tins for God present and na dis make God dey vex.

2 Kings 21:6

E dey sakrifice en sons and dey do majik. E dig one pit where dem for dey koll dead body spirit kom out kon choose majik men make dem dey look am. Di bad-bad tins wey e do many well-well for God eye, so God kon dey vex.

2 Kings 23:10

Di king skata Tofet for Ben-Hinnom Valley, so dat nobody go fit sakrifice en pikin for Molek juju again.

2 Kings 23:24

King Josaya still distroy all di pit from where dem for dey koll evil spirit kom out. Di pipol wey dey do majik; dia juju for house; di yeye image and all di juju wey dey for Judah and Jerusalem land, e distroy dem too. Like dis, e kon do all di tins wey dem rite for di book wey Priest Hilkaya si for di temple.

1 Kronikles 10:13

Saul die bikos e nor respet or obey God kommand. E go meet spirit make e help am

2 Kronikles 28:3

E use en sons take do sakrifice for Ben-Hinnom Valley and na dis kind sins di nashons wey dey der before, dey do wey make God drive dem komot di land.

Isaya 19:3

I go distroy Egypt pipol with fear kon make dia plans yuzles. Dem go-go meet dia juju for help kon tell doz wey don die make dem advise and ansa dem.

Isaya 8:19

But pipol go tell una make una go meet doz wey dey si vishon, so dat dem go give una message and afta dem don tok anyhow, dem go sey, “Make una go meet dead body spirits, so dat dem go help una.”

Jeremaya 32:35

Dem build altar for Baal juju for Ben-Hinnom Valley where dem for dey sakrifice dia shidren give Molek god. I nor sey make dem do like dis and I neva even tink about dis kind tin at-all.”

Ezekiel 23:37

Dem sleep with pipol husband kon kill many pipol. Dem sleep with juju kon kill di boys wey dem born for mi. Dem sakrifice my shidren give juju.

Ezekiel 23:39

Di day wey dem sakrifice my shidren give juju, na dat day dem still dirty my temple!

Levitikus 18:21

“ ‘Make una nor give una pikin as ofrin to Molek juju, bikos e go disgrace Oga God name.

Levitikus 19:26

“ ‘Una must nor chop anytin wey still get blood for inside. Una must nor do majik or serve juju.

Levitikus 19:31

Make una nor go take advise from pipol wey dey serve dead pipol spirit. If una do am, una go dey unklean. Na mi bi Oga una God.

Levitikus 20:2

“Go tell Israel pipol sey, ‘Anybody among una wey give en girl pikin to Molek juju, dem must kill-am; di pipol wey dey di land must stone am die.

Levitikus 20:27

“ ‘Man or woman wey dey woship dead body spirit, dem must kill dem. Dem must stone dem die and anybody wey do dis tin go sofa di ponishment for en sin.’ ”

Levitikus 20:6

“ ‘Di pesin wey dey go meet dead body spirit for advise, I go turn against am kon remove am from my pipol.

Galatians 5:20

to dey serve juju; dey do majik; kworel-kworel life; fighty-fighty; jealousy; anyhow vexnashon; long-trot; tins wey dey skata pipol;

Deutronomi 12:31

Una must nor woship di Oga una God, just as di oda kountry dey woship dia own gods, bikos all wetin dem dey do take woship dia gods, na tins wey una Oga God hate well-well. Dem even dey burn dia shidren as sakrifice for dia gods.

1 Samuel 15:23

Bikos to go against am, bi like wen pesin chop witch and to dey show sturbon head, bi like wen yu dey woship juju. So bikos yu don rijet di word wey God tell yu, en ensef don rijet yu as king.”