2 Kronikles 33:19 - Holy Bible Nigerian Pidgin English

¹⁹ Wetin dem rite for di profets book still get: en prayers and how God take ansa am; all en sins and di bad tins wey e do; where e build high place with Asherah juju before e turn to Oga God.

2 Kronikles 33:19 ပူးပေါင်းရင်းမြစ်များ

2 Kronikles 30:11

But some men from Asher, Manasseh and Zebulun honbol demsef kon go Jerusalem.

2 Kronikles 33:20

Manasseh die and dem beri am for en palis. En pikin Amon kon take-ova as king.

2 Kronikles 33:23

Amon nor respet di Oga wey bi God, just as Manasseh en papa take leta respet am. E even sin pass en papa.

2 Kronikles 36:12

E do wiked and bad tins for God eyes. E nor honbol ensef to Profet Jeremaya wey bi God savant.

Psalms 119:67

I bin dey sofa, bikos I waka live yor ways, but naw, I dey obey yor word.

Psalms 119:71

My pains dey good for mi, bikos e dey tish mi how to listin to yor kommand.

Psalms 119:75

My God, I know sey yor laws nor dey bad or hard. Yu dey ponish mi, bikos e dey good for mi.

Exodus 34:13

But una must distroy dia altars; skata dia images and kut dia Asherah juju poles trowey.

Proverbs 15:8

God hate wiked pipol sakrifice, but E dey enjoy good pipol prayers.

Jeremaya 13:18

God tell mi, “Make yu go tell di king and en mama sey, make dem komot for di throne, bikos dia fine crown don fall komot for dia head.

Jeremaya 44:10

But till naw, una neva gri honbol unasef. Una neva honor mi or live una life as I kommand una and una grand-grand papa.

Lamentashons 3:56

Yu hear my kry for help wen I sey: ‘God make Yu listin to mi well-well!’

Daniel 5:22

“But yu, Belshazzar wey bi Nebukadnezzar pikin, neva gri respet God, even doh sey yu know all dis tins wey happen.

Acts 9:11

God tell am, “Get up make yu go di street wey dem dey koll ‘Strait’ and wen yu rish Judas house wey dey der, make yu look for one man, en name na Saul and e kom from Tarsus. Yu go meet am dey pray for der.

Romans 5:16

God gift and one man sin nor bi di same. Judgement follow di one man sin kon kondemn evribody, but na God gift dey free us, even doh wi bi sinnas.

1 John 1:9

But if wi konfess awa sin to am, e go forgive us kon wosh evritin wey nor good for God eye komot from awa life, bikos Christ dey always do wetin e sey e go do, since e dey raitious.