2 Kronikles 32:7 - Holy Bible Nigerian Pidgin English

⁷ “Make una dey strong! Make una nor fear or shake, bikos of Assyria king and en sojas, bikos di Pesin wey dey with us, strong pass di pipol wey dey with am.

2 Kronikles 32:7 ပူးပေါင်းရင်းမြစ်များ

2 Kings 18:30

Make una nor let Hezekaya tell una sey, ‘Make una trust God, bikos E go save us; so Assyria king nor go fit do us anytin.’

2 Kings 18:5

E trust di Oga wey bi Israel God; so e nor get any king like am wey don rule Judah before or wey go rule Judah again.

2 Kings 6:16

Elisha ansa, “Make yu nor fear, bikos di ones wey dey with us, many pass di ones wey dey with dem.”

1 Kronikles 22:13

If yu obey all di law wey God give Moses for Israel, yu go prosper. Make yor heart strong and make yu nor fear at-all.

1 Kronikles 28:10

Yu must know sey God don choose yu to build en temple. Naw, make yu use all yor heart take build am.”

1 Kronikles 28:20

David tell Solomon en pikin, “Make yu nor fear, but start di work with strong heart and nor let anytin stop yu. God wey I dey serve, go dey with yu. E nor go abandon yu, but E go stay with yu till yu finish di temple and evritin wey go dey inside.

2 Kronikles 15:7

But as for una, make una dey strong and nor fear, bikos God go reward una work.”

2 Kronikles 16:7

For dat time, Profet Hanani visit King Asa for Judah kon tell am: “Bikos yu bilive Siria king pass God, yu nor go fit win Siria sojas again.

2 Kronikles 20:15

Jahaziel kon sey, “Judah pipol and doz wey dey stay for Jerusalem with Jehoshafat, make una listin! Dis na wetin God dey tok, ‘Make una nor fear, bikos of dis plenty sojas! Bikos di fight nor bi una own, but na God go fight am.’

2 Kronikles 20:17

Una nor go fight for dis war. Make una just stand kon si how God go diliver una wey bi Judah and Jerusalem pipol. Make una nor fear, make una go fight dem tumoro, bikos God dey with una.”

Nehemaya 4:8

So, dem plan to attack and kause wahala for Jerusalem.

Psalms 118:8

E betta to trust God, dan to trust human being.

Isaya 35:4

Make una tell evribody wey nor get hope sey, “Make yu dey strong, nor fear at-all! God dey kom save yu and E go ponish yor enemies.”

Jeremaya 42:11

Make una nor fear Babilon king; I dey with una and I go save una from en pawa.

Daniel 10:19

E sey, “Make yu nor fear, God love yu well-well! So nor let anytin worry yu. Make yu dey strong! Wen e don tok like dis, my body kon strong more-more.” Den I sey, “Oga! Yu don make mi dey okay naw.”

Zekaraya 4:6

Den e tell mi, “Dis na wetin Oga God dey tell Zerubabel: ‘Nor bi with force or human being bin pawa, but na with my Spirit.’

Zekaraya 8:23

God wey dey lead heaven sojas sey, “For dat time, ten strenjas go kom meet one Jew pesin sey, ‘Wi won share from yor blessings, bikos wi hear sey God dey with yu.’ ”

Zekaraya 8:9

God wey dey lead heaven sojas sey, “Make una dey strong kon finish di work! Na since dem start to build God Temple, una don hear wetin di profets dey tok about how di temple work go take komplete.

Romans 8:31

Wetin wi go tok about all dis tins? If God dey for awa side, who go fit dey against us?

Efesians 6:10

Finally, make una dey strong with Christ mighty pawa.

Deutronomi 20:1

Wen una go fight una enemies and una si dia horse and dia sojas wey strong pass una own, make una nor fear. Di Oga una God wey bring una kom out from Egypt, dey with una!

Deutronomi 31:23

and God kon make Joshua, Nun pikin leader for Israel sey, “Make yu dey strong and nor fear, bikos yu go take Israel, my pipol go di land wey I promise dem and I go dey with yu.”

2 Timoti 2:1

So yu, my pikin, make yu dey strong for di grace wey Christ dey give.

1 John 4:4

My shidren, una kom from God and una don get viktory ova doz pipol, bikos di pesin wey dey inside una, big pass di pesin wey dey di world.