2 Kronikles 31:21 - Holy Bible Nigerian Pidgin English

²¹ Evritin wey e do to take serve God well for en temple and to follow God laws and kommands, Hezekaya do dem with e whole heart and bikos of dis, God kon make am prosper.

2 Kronikles 31:21 ပူးပေါင်းရင်းမြစ်များ

1 Kings 2:4

If yu obey dem, God go keep en promise wey E make wen E tell mi sey, ‘My shidren-shidren go rule Israel as long as dem dey obey my kommand with all dia heart and soul.’

2 Kings 18:7

God dey with am, so evritin wey e dey do, dey prosper. E fight against Assyria pipol and e nor fear dem.

1 Kronikles 22:13

If yu obey all di law wey God give Moses for Israel, yu go prosper. Make yor heart strong and make yu nor fear at-all.

1 Kronikles 22:19

Naw, make una serve God with all una heart and soul. Make una start to build di temple, so dat una go fit put di Kovenant Box and all di holy tins wey dem take dey serve God, for inside.”

2 Kronikles 14:6

E build many towns wey dem protet well for Judah and for many years, dem nor fight war, bikos God don give dem peace.

2 Kronikles 14:7

Di king tell Judah pipol, “Make wi build wall round dis town kon put towa and strong gate. Di land na awa own, bikos wi dey always obey and do wetin God wont.” So, dem kon build di towns and evritin kon dey go well for dem.

2 Kronikles 20:26

For di fourt day, dem gada go Beraca Valley kon praiz God for der. Na Beraca Valley dem dey koll dat place till today.

2 Kronikles 26:5

E follow God wen Zekaraya dey alive, bikos e tish am how to honor God. God make am prosper as e dey follow am.

Psalms 119:2

Pipol wey dey follow en rules kon find am with all dia heart, make una si as dia blessing many rish.

Proverbs 3:10

If yu do so, korn go full yor store and yu go get plenty wine to keep.

Proverbs 3:9

Honor God with yor money kon offa di first fruit wey yu harvest from yor farm gi-am.

Ekklesiastes 9:10

So, anytin wey yu dey do, make yu do am well, bikos wons yu die, yor wisdom, knowledge, work and plans, nor go mean anytin again.

Jeremaya 29:13

Una go pray and woship mi with all una heart and I go dey with una.

Matiu 6:33

But make una first do di good tins wey God wont and evry oda tin go bi una own.

Deutronomi 10:12

Naw, Israel pipol, wetin di Oga una God wont from unasef? E wont make una dey fear am kon dey live di kind life wey E wont make una live. E wont make una love, respet and serve am with all una soul and heart.

Deutronomi 29:9

“So make una obey di words wey dey dis kovenant, so dat e go betta for una for evritin wey una dey do.

Deutronomi 6:5

So una must love di Oga una God with all una heart, all una soul and all una pawa.