2 Kronikles 30:18 - Holy Bible Nigerian Pidgin English

¹⁸ Many pipol wey kom from Efraim, Manasseh, Issakar and Zebulun nor dey klean, but dem still disobey kon chop di Passova food as di law tok. King Hezekaya kon pray for dem sey, “Make Oga God wey dey good, forgive

2 Kronikles 30:18 ပူးပေါင်းရင်းမြစ်များ

Jenesis 20:17

Abraham pray to God and God kon heal King Abimelek, en wife and en wimen savants, so dat dem go fit get belle born shidren,

Jenesis 20:7

Naw, make yu give di woman back to en husband, bikos true-true Abraham na profet and e go pray for yu and yu nor go die. But if yu nor gri give di woman back to en husband, make yu know sey yu must die with evritin wey yu get, even all yor pipol.”

2 Kings 5:18

I pray make God forgive mi for dis tins: Wen my oga wey bi Siria king dey go woship en juju Rimmon for en temple, I go nid to follow am go, bikos na mi bi en rite-hand-man. But make God forgive mi even as I go bow to Rimmon for di temple.”

2 Kronikles 30:11

But some men from Asher, Manasseh and Zebulun honbol demsef kon go Jerusalem.

2 Kronikles 30:25

All di pipol wey gada for der na: Judah pipol, di priests, Levi pipol and strenjas wey dey stay Israel and Judah land.

2 Kronikles 34:9

Di money wey Levi pipol wey dey guide don kollect for di temple, dem pak and gi-am to Hilkaya wey bi di High Priest. (Dem kollect am from Manasseh, Efraim and all di pipol wey remain for Israel, Judah, Benjamin and Jerusalem.)

2 Kronikles 6:21

Make Yu listin to di prayers wey yor savant and Israel pipol dey pray give Yu from dis place. Make Yu hear from where Yu dey stay for heaven kon ansa well, den forgive us awa sins.

Psalms 119:68

Yu dey good and na only good tins Yu dey do; so make Yu tish mi yor kommand!

Psalms 25:8

God dey good and E dey do wetin dey rite; E dey show di rite road to pipol wey dey waka lost.

Psalms 36:5

My God, yor love wey nor dey fail, big and wide like di heavens; just as yor goodness high pass di kloud for sky.

Psalms 86:5

Yu dey good and ready to forgive awa sins and pipol wey kom meet Yu for help, Yu dey show dem yor love wey nor dey fail.

Daniel 9:19

So make Yu forgive us! Make Yu kwik hear and ansa us. Nor bi just for yor town and en pipol, but na to make pipol honor and praiz yor holy name.”

Levitikus 10:20

Wen Moses hear dis tin, e nor kon vex again.

Nombas 19:20

But di man wey nor dey klean or neva klean ensef, go remain unklean, bikos dem neva sprinkol di klean wota for en body. E don spoil Tabanako and dem must separate am from God pipol.

Nombas 9:7

kon sey, “Even doh wi nor dey klean, bikos wi tosh dead body, wi nor go fit join Israel pipol give God ofrin?”

1 Korintians 11:28

So make evribody shek ensef, before e chop di bread and drink from di cup.

1 John 5:16

If anybody si en broda or sista for Christ dey kommit sin wey nor go kill-am, make e ask God and God go give life to dat pesin. E get di kind sin wey dey kause deat and I nor sey make una pray make God forgive di pesin wey dey kommit dat kind sin.