2 Kronikles 30:16 - Holy Bible Nigerian Pidgin English

¹⁶ Dem stand for dia difren pozishon, just as God savant Moses rite for en law. As Levi pipol give di blood to di priests, dem kon sprinkol am for di temple.

2 Kronikles 30:16 ပူးပေါင်းရင်းမြစ်များ

2 Kings 11:14

Den Atalaya look well kon si di king stand near di pila akordin to dia tradishon. Doz wey dey kommand and blow trumpet stand near di king and all di pipol for di land dey happy kon dey blow trumpet. Atalaya tear en klot kon sey, “Dis na plan work! Una really plan dis one o-o!”

1 Kronikles 23:14

But Moses wey bi God savant, dem rite en shidren-shidren name join Levi pipol.

2 Kronikles 34:31

Di king stand near di pila kon make new kovenant with God sey dem go follow en kommand, laws and rules wey dem rite for di book with all dia heart.

2 Kronikles 35:15

Doz wey dey play music with Asaf shidren-shidren face dia own pot, just as King David tok thru Profet Asaf, Heman and Jedutun. Di guards nor komot from dia pozishon, bikos Levi pipol prepare sometin for dem too.

Levitikus 1:5

Den e go kill di animal for der and di priests wey bi Aaron sons go give God di blood kon put am for di four side for di altar wey dey for di tent gate.

Deutronomi 33:1

Dis na di blessing wey Moses, God savant bless Israel pipol before e die:

Hibru 11:28

Na faith make Moses do di Passova and pour blood for pipol door-mot, so dat God angel wey dey kill all di first-born for Egypt, nor go tosh dem.