2 Kronikles 24:22 - Holy Bible Nigerian Pidgin English

²² Di king forget di love wey Priest Jehoiada wey bi Zekaraya papa show am kon kill en pikin. Wen Zekaraya dey die, e shaut kry sey, “Make God si and ponish una for dis tin wey una dey do!”

2 Kronikles 24:22 ပူးပေါင်းရင်းမြစ်များ

Jenesis 42:22

Reuben kon tell dem, “I nor tell una sey make una nor sin against di boy, but una nor gri listin to mi? So naw, wi must pay for di sin wey wi kommit!”

Jenesis 9:5

If anybody kill pesin, I go ponish am. I go kill any animal wey kill human being.

Psalms 10:14

But Yu dey si di trobol and wahala wey dem dey kause. Yu dey si evritin; so make Yu ponish dem. Doz wey nor get help dey trust Yu and na Yu dey fight for shidren wey nor get papa and mama.

Psalms 109:4

I love dem, but dem dey try to distroy mi. Even doh I dey pray for dem, yet dem still dey lie for my head!

Psalms 9:13

My Oga God, make Yu sorry for mi. Si as my enemies dey trobol mi, so make Yu kom take mi komot from deat mout.

Proverbs 17:13

If yu use bad take pay good, den bad tin nor go ever komot from yor house.

Jeremaya 11:20

So I pray to God: “My Oga God wey dey rule all of us; yor judgement na true and Yu dey si wetin pipol dey tink for dia heart. Make Yu fight dis pipol for mi, bikos my life dey yor hand.”

Jeremaya 51:56

‘Wi don distroy Babilon. Wi don seize en sojas kon break dia bow.’ I bi di God wey dey ponish bad pipol and I go pay Babilon back.

Luke 11:51

From wen dem kill Abel go rish di time wen dem kill Zekaraya for di altar inside di temple, dia blood dey dis pipol head and God go judge dem.

John 10:32

So Jesus tell dem, “I don do many good tins wey una si from my Papa, wish one make una won stone mi so?”

2 Timoti 4:14

Alexanda wey dey do iron work, wiked mi well-well, but Christ go judge am for wetin e do.

2 Timoti 4:16

Di first time wen dem karry mi go kourt, evribody abandon mi and all of dem run leave mi. Make God nor judge dem bikos of wetin dem do!

Joshua 22:23

If wi build altar for awasef kon turn from God as wi dey make ofrin and sakrifice on-top am or dey offa ofrin of peace for awasef, make God ensef ponish us.

Revelashon 18:20

Evribody wey dey heaven, God pipol, di apostles and profets, make una happy bikos God don judge and kondemn am bikos of una!”

Revelashon 19:2

bikos en judgement dey true and korrect. E don ponish dat ashawo wey spoil di world with en sins, as e dey sleep with who e nor marry and God don revensh am for Christ savants wey e kill!”

Judges 8:35

Even with all di good tins wey Gideon do for Israel pipol, dem still dey trit en family anyhow.