2 Kronikles 23:11 - Holy Bible Nigerian Pidgin English

¹¹ Priest Jehoiada and en sons lead di king pikin kom out with di crown and king klot wey dem wear for en body. Dem make am king kon pour oil for en head dey shaut, “Make di king live forever!”

2 Kronikles 23:11 ပူးပေါင်းရင်းမြစ်များ

2 Samuel 1:10

“So I kon go kill-am, bikos I know sey e go die. Den I komot di crown from en head and di shain from en hand. So my oga, I don bring dem kom give yu.”

2 Samuel 16:16

Wen Hushai, David friend wey e trust well-well si Absalom, e kon shaut, “Di king go live forever! Di king go rule us tey well-well!”

2 Samuel 5:3

Wen all di leaders for Israel meet King David for Hebron, David setol with dem and dem kon make am king for Israel.

1 Kings 1:25

Bikos, today, e don use many sheep, goat and fat melu take do sakrifice. E invite all yor shidren, Joab wey dey kommand yor sojas and Priest Abiatar and as wi dey tok so, dem dey do party dey shaut sey, ‘Adonijah, yu bi king! Make yu live forever!’

1 Kings 1:34

where Natan and Zadok go anoint am as Israel king. Den make una blow di trumpet kon shaut, ‘Solomon, yu bi king! Make yu live forever!’

1 Kings 1:39

Zadok karry di olive oil wey e bring from Tabanako kon use am anoint Solomon. Dem blow di trumpet and all di pipol kon shaut, “Solomon, na yu bi king! Make yu live forever!”

2 Kings 11:12

Jehoiada bring di king pikin kom out kon crown and gi-am God laws. Den dem make am king, anoint am kon klap dey sey, “God save di king!”

2 Kronikles 22:11

Jehoshabeat wey bi King Jehoram dota, karry Ahazaya son Joash run komot from di place where dem for won kill di king family. E hide am with one nurse for one room, so dat Atalaya nor go si or kill-am. Na dis Jehoshabeat bi Priest Jehoiada wife.

2 Kronikles 23:10

E put all di men for pozishon with dia spear for dia hand. Dem line-up from di sout go rish nort for di temple and dem stand near di altar for di temple kon gada round di king.

2 Kronikles 23:12

Wen Atalaya hear di royal guards dey shaut and praiz di king, e kon go where di pipol gada for di temple.

Psalms 132:18

I go disgrace en enemies and David kingdom go rule forever.”

Psalms 21:3

Na suksess and progress Yu take welkom am back kon put one fine gold crown for en head.

Psalms 78:5

E give law to Jakob shidren kon tell en pipol Israel, wetin dem go do. E still kommand awa grand-grand papa sey make dem tish di laws to dia shidren,

Psalms 89:20

I don si my savant David and I don anoint am with my holy oil.

Psalms 89:39

Yu don forget di kovenant wey Yu make with am kon trow en crown for dust.

Exodus 25:16

Di two small flat stones wey I go rite my kommandment put, yu go put dem inside di box.

Exodus 25:21

Yu go put di box kover on-top di box, den kon put di flat stones wey I go give yu, inside.

Exodus 31:18

Wen God don tok to Moses finish for Mount Sinai, E kon gi-am two stones wey E rite di kommandment put.

Isaya 49:23

Kings go bi like una papa and kweens go bi like una mama. Pipol go bow dey honor una with respet. Den una go know sey na mi bi God, bikos I nor go disgrace anybody wey dey wait make I help am.”

Isaya 8:16

Una wey dey follow God, make una guide and keep di message wey E give mi.

Isaya 8:20

Den make una remember God kommand and evritin wey di profets sey go happen. True-true, all di pipol wey dey si vishon, dey tok all dis tins, bikos dia mind dey dark.

Matiu 21:9

Pipol wey dey go for Jesus front and dem wey dey follow am for back kon dey shaut, “Praiz David Pikin! Di pesin wey kom with God name, God go bless am! Make wi praiz God wey dey heaven!”

Hibru 2:9

even doh wi si Jesus wey angels big pass small, e nor too tey before God gi-am glory and honor, bikos e sofa and die for evribody, just as God plan am.

James 1:12

Di pesin wey fit bear wen problem kom meet am, make e happy, bikos e don show sey en faith strong and e go get di crown wey get life, wey God don promise sey E go give pipol wey love am.

James 2:5

My brodas and sistas, make una listin! God nor choose poor pipol for dis world sey, make dem rish for faith and inherit di kingdom wey E promise sey E go give doz wey love am?

Revelashon 19:12

En eyes bi like fire wey dey burn well-well and many crowns dey en head. Di name wey dem rite for en head, nobody know am, escept en ensef.

Revelashon 4:10

di twenty-four eldas go bow woship di Pesin wey dey live forever and ever. Dem go remove dia crown put for en throne front kon sey:

Revelashon 4:4

Twenty-four oda thrones dey round di first throne and twenty-four eldas sidan put for di thrones. Dem wear white klot and gold crown dey dia head.

Revelashon 5:10

Yu don choose dem as kings and priests wey go serve God and dem go rule for di eart.”

1 Samuel 10:1

Den Samuel take one kontaina wey get olive oil kon pour am for Saul head. Samuel kiss am kon sey, “God don choose yu make yu lead en pipol, Israel! Yu go rule and diliver dem from dia enemies wey dey round dem. Dis go bi di sign sey God don choose yu as leader ova en propaty.

1 Samuel 10:24

Samuel tell di pipol, “Una don si di pesin wey God don choose? True-true, nobody bi like am for di whole Israel!” All di pipol kon shaut, “Di king go stay forever!”