2 Kronikles 21:20 - Holy Bible Nigerian Pidgin English

²⁰ King Jehoram na thirty-two years wen e bi king and e rule for eight years from Jerusalem. En deat nor pain anybody at-all and dem beri am for David Town, but nor bi for di royal beri groun.

2 Kronikles 21:20 ပူးပေါင်းရင်းမြစ်များ

2 Kings 8:24

Jehoram die and dem beri am with en grand-grand papa dem for David Town. En pikin Ahazaya kon take-ova as king.

2 Kronikles 23:21

Di pipol for di land kon dey celebrate, bikos since dem kill Atalaya, di town kon get peace.

2 Kronikles 24:16

Dem beri am for David Town with di oda kings, bikos e do good tins for Israel and for God Temple.

2 Kronikles 24:25

Dem wound am well-well. So wen dem don fight finish, den two of en ofisas kon plan and kill-am for en bed, bikos of Zekaraya wey e kill. Dem beri am for David Town, but nor bi for di royal beri groun.

2 Kronikles 26:23

King Uzzaya die and dem beri am near en grand-grand papa for where dem dey beri kings. (Dis na bikos e get skin diziz.) En pikin Jotam kon take-ova as king.

2 Kronikles 28:26

Di remainin tins wey Ahaz do wen e dey rule, dem rite dem for Judah and Israel kings history book.

2 Kronikles 28:27

Ahaz die and dem beri am for David Town, but dem nor beri am for where dem beri Israel kings put. En pikin Hezekaya kon take-ova as king.

2 Kronikles 33:20

Manasseh die and dem beri am for en palis. En pikin Amon kon take-ova as king.

Proverbs 10:7

Pipol go remember good pesin bikos of di good tins wey e do, but dem go soon forget wiked pesin forever.

Jeremaya 22:18

So, dis na wetin God tok about Josaya pikin, King Jehoiakim for Judah: ‘Nobody go mourn wen e die or tell en neighbour, “My friend, di king deat dey vex and pain mi!” Nobody go kry for am sey, “My oga and my king don die!” ’

Jeremaya 22:28

I sey, “King Jekonaya go bi like pot wey break wey dem trowey. E go bi like klay pot wey pipol nor won use at-all. Why dem go force en and en shidren go anoda kountry? Wetin make dem won take dem go kountry wey dem nor know anytin about?”