2 Kronikles 20:3 - Holy Bible Nigerian Pidgin English

³ Jehoshafat kon dey fear, so e go meet God. E kommand evribody for Judah sey make dem fast.

2 Kronikles 20:3 ပူးပေါင်းရင်းမြစ်များ

2 Kronikles 11:16

All di pipol for Israel wey won woship Israel God follow dem go Jerusalem go sakrifice give dia grand-grand papa God.

2 Kronikles 19:3

But yu don still do some good tins before. Yu remove Asherah juju from di town and yu really won follow God.”

2 Kronikles 7:14

if my pipol go honbol demsef kon pray to mi and turn from dia sins, I go hear and ansa dem from heaven kon forgive dia sins, den heal dia land.

Nehemaya 9:1

For di twenty fourt day, for dat same mont, Israel pipol gada to fast, bikos of sins wey dem kommit.

Estha 4:16

“Go gada all Jew pipol for Shushan, den make una fast and pray for mi. Make una nor chop or drink anytin for three days and nites. Mi and my savants go do di same tin. Afta di fasting, I go-go meet di king, even doh dat kind tin dey against di law. If na dat one go make mi die, den make I die.”

Jeremaya 36:9

For di ninet mont for di fift year wey Jehoiakim bi king for Judah, all di pipol wey dey Jerusalem and di pipol wey kom Jerusalem from Judah, kom fast for God temple.

Daniel 9:3

So I wear sak klot, sidan for ashes den turn to God kon dey beg am as I dey pray and fast.

Joel 1:14

Koll and tell evribody sey make dem fast! Gada di leaders and all Judah pipol go meet and kry give God for en temple!

Amos 5:4

God tell Israel, “Make una kom back kom meet mi and una nor go die.

Jonah 1:16

Dis tin make di men fear God well-well, so dem offa sakrifice gi-am kon promise to serve am.

Matiu 10:28

Make una nor fear who go fit kill di body and nor fit kill di soul. Instead, make una fear God wey fit distroy pesin soul and body for hell-fire.

Judges 20:26

Den all Israel pipol kon go Bethel again go kry and fast for God present till evening. Dem still bring burnt ofrin and peace ofrin kon give God.

1 Samuel 7:6

Afta dem don gada for Mizpa, dem kon draw wota pour put for God front. Dem nor chop for dat day and dem kon konfess all dia sins for der dey sey, “Wi know sey wi don sin against God.” So Samuel pray for Israel pipol for Mizpa.