2 Kronikles 20:17 - Holy Bible Nigerian Pidgin English

¹⁷ Una nor go fight for dis war. Make una just stand kon si how God go diliver una wey bi Judah and Jerusalem pipol. Make una nor fear, make una go fight dem tumoro, bikos God dey with una.”

2 Kronikles 20:17 ပူးပေါင်းရင်းမြစ်များ

1 Kings 20:13

But one profet go meet Ahab kon tell am, “God sey, ‘Make yu nor fear doz many sojas! I go make yu win dem today and yu go know sey, na mi bi God.’ ”

2 Kronikles 15:2

E go meet King Asa kon tell am, “King Asa, Judah and Benjamin tribe, make una listin to mi! As long as una dey obey God, E go always dey with una. If una koll am, E go ansa una, but if una rijet am, E go rijet una too.

2 Kronikles 20:16

Make una go fight dem tumoro as dem dey kom Ziz. Una go si dem for one small river for Jeruel Desert front.

2 Kronikles 32:7

“Make una dey strong! Make una nor fear or shake, bikos of Assyria king and en sojas, bikos di Pesin wey dey with us, strong pass di pipol wey dey with am.

2 Kronikles 32:8

Na only human being pawa dem get, but di Oga wey bi awa God dey with us and E go help us fight all awa war.” So, wetin King Hezekaya tok kon make di sojas get strong heart.

Psalms 46:7

God wey dey lead heaven sojas dey with us and na Israel God dey protet us.

Exodus 14:25

E make dia shariot taya sink and dem nor fit ride fast, den Egypt sojas kon sey, “Make wi run go back from dis pipol, na God dey fight us bikos of dem.”

Exodus 6:1

Den Oga God tell Moses, “Naw, yu go si wetin I go do Fero. I go force am make e allow my pipol go. I go use my pawa take make am drive my pipol komot from dis land.”

Isaya 30:15

Dis na wetin di Oga wey bi Israel God dey tok: “I wish sey una gri turn from sin kom meet mi kon dey wait with patient, I for diliver una; if una kwayet, dey wait mi, I go give una strent and pawa, but una nor gri wait.

Isaya 30:7

Egypt pipol nor go fit help dem at-all and bikos of dis, I koll di land, “Nashon wey dey make mout, but dem nor get pawa.”

Isaya 37:6

e kon sey, “Make una tell di king: ‘Dis na wetin God tok: “Make una nor fear bikos of all di tins wey una hear and di curse wey Assyria king savant curse mi.

Isaya 41:10

So make una nor fear, bikos I dey with una! Na mi bi una God, so make anytin nor make una fear! I go make una strong kon help una and I go protet and save una.

Lamentashons 3:26

So e betta make wi sidan kwayet kon wait until God go kom save us.

Amos 5:14

Make to do good dey sweet una, nor bi wetin dey bad, so dat una go get life. Den Oga God wey get pawa go really dey with una, just as una tok.

Nombas 14:9

Make una nor dey sturbon to God and make una nor fear di pipol wey dey di land, bikos dem bi like bread to us. God dey with us and E don defeat di gods wey dey protet dem; so make una nor fear.”

Matiu 1:23

“Si! Di woman wey neva sleep with man before go get belle and e go born boy and dem go koll am, ‘Emmanuel’ wey mean, ‘God dey with us.’ ”

Matiu 28:20

dey tish dem to do evritin wey I tish una. I go always dey with una until di world go end.”

Romans 8:31

Wetin wi go tok about all dis tins? If God dey for awa side, who go fit dey against us?

Deutronomi 3:22

So make una nor fear, bikos di Oga una God go fight for una by ensef.”

2 Timoti 4:22

Make Christ dey with yor spirit. Make God grace and favor dey with yu.

Judges 7:21

Each man stand for one place round di kamp and dia enemies sojas kon dey shaut run komot from di place wey dem dey.

1 Samuel 17:47

and evribody for here go know sey nor bi by swod or spear, God dey take save pesin. Bikos na God get di fight and E go give yu to us.”