2 Kronikles 18:31 - Holy Bible Nigerian Pidgin English

³¹ So wen dem si King Jehoshafat, all of dem tink sey na Israel king bi dat, so dem bigin attack am. But King Jehoshafat shaut and God help am.

2 Kronikles 18:31 ပူးပေါင်းရင်းမြစ်များ

1 Kronikles 5:20

Dem ask and pray to God make E help dem and God ansa dia prayers kon make dem win di war.

2 Kronikles 13:14

Judah men turn kon si sey dem dey attack dem both from front and back. Dem kry to God for help and di priests blow dia trumpet.

2 Kronikles 13:15

Judah men and King Abijah wey dey lead dem kon shaut kry give God, so God kon help dem win Jeroboam and Israel sojas.

2 Kronikles 14:11

King Asa pray to di Oga wey bi en God sey, “My Oga God! Na Yu dey make weak pipol strong. Wi dey go fight dis many sojas, bikos wi bilive sey Yu go help us.”

2 Kronikles 18:30

Siria king don kommand en kommanders wey dey use shariot sey make dem nor attack anybody escept Israel king.

2 Kronikles 18:32

Den Ramot sojas kon know sey e nor bi Israel king, so dem stop to attack am.

2 Kronikles 26:7

God help am fight Filistia, Arab and Meun pipol wey dey Gur Baal.

Ezra 1:1

For di first year wey King Cyrus for Persia dey rule, God make wetin E tok thru Profet Jeremaya happen. E make King Cyrus rite, send and read dis kommand for evriwhere for en kingdom, so dat evribody go hear:

Ezra 7:27

Ezra kon sey, Make wi praiz di Oga, wey bi awa grand-grand papa dem God! Na-im make di king honor God Temple for Jerusalem like dis.

Nehemaya 1:11

Make Yu listin to di prayers wey mi and yor savants wey dey honor Yu, dey pray. Make Yu help mi today, so dat di king go sorry for mi.” For dat time, na mi dey serve di king wine.

Psalms 118:13

My enemies try well-well to kill mi, but di Oga my God save mi.

Psalms 34:7

Bikos na God angel dey guide mi, na so too E dey protet and guide all di pipol wey dey fear am.

Psalms 46:1

Na God bi di strong place wey wi dey hide put and na-im dey help us wen wi dey trobol.

Psalms 46:11

God wey dey lead heaven sojas dey with us and na Israel God dey protet us.

Psalms 56:10

I dey praiz God for wetin E don promise. Yes! I go dey praiz am, bikos of en promise.

Psalms 94:17

If to sey God nor kom help mi, I for don die and pipol for don forget mi.

Exodus 14:10

Israel pipol look up kon si Fero and Egypt sojas dey mash kom meet dem. Fear katch dem, so dem shaut kon kry to God.

Proverbs 16:7

Wen pesin make belle sweet God, even en enemies go like bi en friend.

Proverbs 21:1

Evry king heart dey God hand; just as E dey show river how e go take flow, na so too E dey kontrol kings mind.