2 Kronikles 15:7 - Holy Bible Nigerian Pidgin English

⁷ But as for una, make una dey strong and nor fear, bikos God go reward una work.”

2 Kronikles 15:7 ပူးပေါင်းရင်းမြစ်များ

Jenesis 15:1

Afta all dis tins, God tok to Abram for vishon: “Abram! Make yu nor fear! Na mi dey guide yu and yor reward go big well-well.”

1 Kronikles 28:20

David tell Solomon en pikin, “Make yu nor fear, but start di work with strong heart and nor let anytin stop yu. God wey I dey serve, go dey with yu. E nor go abandon yu, but E go stay with yu till yu finish di temple and evritin wey go dey inside.

2 Kronikles 19:11

“Any matter wey koncern di king, una go ripot to Amaraya wey bi di shief priest and Ishmael pikin, Zebadaya wey dey lead Judah family. Levi pipol go bi una ofisas. Make una do una work well! Make God dey with doz wey dey do well!”

2 Kronikles 32:7

“Make una dey strong! Make una nor fear or shake, bikos of Assyria king and en sojas, bikos di Pesin wey dey with us, strong pass di pipol wey dey with am.

Psalms 19:11

Dem dey tish yor savant well and doz wey dey obey dem, go get betta reward.

Psalms 27:14

So, make yu dey patient, as yu dey wait for God and get strong mind. Yes! Make yu dey patient, as yu dey wait for am.

Psalms 58:11

Den for di end, evribody go sey, “Yes! Pipol wey dey obey God, go get dia reward. True-true, wi get God wey go judge di whole world!”

Jeremaya 31:16

But naw, dis na wetin God dey tok, “Make yu nor kry again, bikos I go reward yu. Yu shidren go kom back from dia enemies land kom meet yu.

Daniel 10:19

E sey, “Make yu nor fear, God love yu well-well! So nor let anytin worry yu. Make yu dey strong! Wen e don tok like dis, my body kon strong more-more.” Den I sey, “Oga! Yu don make mi dey okay naw.”

Zekaraya 8:9

God wey dey lead heaven sojas sey, “Make una dey strong kon finish di work! Na since dem start to build God Temple, una don hear wetin di profets dey tok about how di temple work go take komplete.

Matiu 5:12

make una happy and make belle sweet una, bikos na big tin dey wait una for heaven. Make una remember sey, na so di profets wey kom before una, sofa too.”

Matiu 5:46

If una love only di pipol wey love una, wetin una go gain? Na so bad pipol dey do too, abi nor bi so?

Matiu 6:1

“Make una nor dey do good bikos una wont make pipol si una; if una do so, God nor go pay una for di good wey una do.

Matiu 6:18

so dat odas nor go know sey una dey fast, but only una Papa wey dey for sekret go know. And una Papa wey dey si for sekret, go reward una.”

Matiu 6:4

So dat una gift, go dey sekret and una Papa wey dey si for sekret, go reward una.”

Matiu 6:6

But wen una dey pray, make una go inside room, klose di door and pray to una Papa for sekret. And una Papa wey dey si for sekret, go reward una for pipol present.

Luke 6:35

But make una love una enemies kon do good and make una nor espect anytin back wen una borrow anybody sometin. Na dis go make God pay una back and una go bi en shidren, bikos God ensef dey do good for wiked pipol and doz wey nor dey sey tank yu.

1 Korintians 15:58

So my friends, make una dey strong and nor let anytin shake una. Make una always dey do God work, bikos una know sey, evritin wey una do for God, get gain.

1 Korintians 16:13

Make una shine una eye and dey strong for una faith and stand with boldness.

1 Korintians 3:14

God go reward us if di fire nor burn wetin wi build.

1 Korintians 3:8

Di pesin wey plant di seed and di one wey wota am, na di same work dem dey do, but each pesin go get en pay from God akordin to en work.

Efesians 6:10

Finally, make una dey strong with Christ mighty pawa.

Kolossians 3:24

bikos una know sey na Christ una really dey serve and una know sey E go reward una.

Hibru 10:35

So make una always dey strong, bikos una go get betta reward.

Hibru 6:10

God nor dey support pipol anyhow. E go remember how una help en pipol before-before and how una still dey help dem naw. Una bi God pipol and E nor go forget di love wey una show en shidren.

Joshua 1:6

“Make yu dey strong and get heart! Yu go lead dis pipol go win di land wey I don promise dia grand-grand papa sey, I go give dem.

Joshua 1:7

Make sure sey yu dey strong well-well and yu get heart! Make yu dey obey all di law and kommand wey my savant Moses give yu! Nor do dem anyhow, den yu go prosper for evritin wey yu dey do.

Joshua 1:9

I dey tok again, so dat yu go dey strong kon get heart! Make yu nor fear or shake, bikos mi wey bi di Oga yor God, I dey with yu for evritin wey yu dey do.”

Joshua 14:14

So till today, Kaleb wey en papa na Jefunneh from Kenizz kon take Hebron land, bikos e dey loyal to God.

2 John 1:8

Make una shine una eye, so dat di work wey wi do among una, nor go lost, but instead, wi go get komplete reward.

Rut 2:12

God go bless yu for evritin wey yu dey do! Di Oga wey bi Israel God wey dey protet yu, go pay yu for all di good tins wey yu don do!”