2 Kronikles 12:12 - Holy Bible Nigerian Pidgin English

¹² Afta Rehoboam honbol ensef, God nor vex distroy am again and evritin kon dey progress for Judah.

2 Kronikles 12:12 ပူးပေါင်းရင်းမြစ်များ

Jenesis 18:24

Wot of if pipol wey dey fear Yu rish fifty for dat town? Yu go distroy di whole town? Yu nor go bikos of di fifty pipol leave di town?

1 Kings 14:13

All di pipol for Israel go mourn and beri am. Na only en dem go beri well for Jeroboam family, bikos na only en di Oga wey bi Israel pipol God, dey happy with.

2 Kronikles 12:11

Anytime di king go di temple, di guards go karry di shields kom out, den take dem go back to di guard-room wen di king don komot from di temple.

2 Kronikles 19:3

But yu don still do some good tins before. Yu remove Asherah juju from di town and yu really won follow God.”

Isaya 57:15

Na mi bi di high and holy God, di Pesin wey go live forever. Where I dey stay, dey high and holy, but I still dey stay with pipol wey dey honbol and ready to turn from sin kom meet mi, so dat I go give dem mind and hope again.

Isaya 6:13

Even if na one pesin for evry ten pipol remain for di land, dem go distroy am, e go bi like oak tree or Asherah pole wey dem kut for groun or sometin wey dey holy wey dem distroy. Dis holy tin, na di special family wey God choose.”

Lamentashons 3:22

God faithful love nor dey end! And en mesi nor dey finish.

Lamentashons 3:33

God nor like to sofa pipol or make dem kry.

Lamentashons 3:42

“Wi don sin and go against Yu and na dis make Yu dey vex for us.

1 Pita 5:6

Make una put una body for groun bikos of God and wen di rite time rish, E go karry una up.