2 Korintians 9:10 - Holy Bible Nigerian Pidgin English

¹⁰ Bikos na God dey give seed to farmer and provide bread wey pipol go chop. Like dis too, E go provide and di tins wey una nid, go plenty well-well and dem go last forever.

2 Korintians 9:10 ပူးပေါင်းရင်းမြစ်များ

Jenesis 47:19

Wetin go make us die for yor eye; both wi and awa land. Make yu buy wi and awa land and wi and awa land go bi Fero own. Just give us food, so dat wi nor go die. Den di land nor go dey empty.”

Proverbs 11:18

Wiked pipol nor get gain for anytin, but reward dey for who dey do di korrect tin.

Ekklesiastes 11:6

So, make yu go plant yor seed for morning and nor stop to work until evening; bikos yu nor know di one wey yu do wey go bring gain for yu; weda na dis one, dat one or di two.

Isaya 55:10

My words bi like snow and rain wey dey kom wota di eart from di sky. Dem dey make plant grow and provide seed wey dem go chop and plant.

Hosea 10:12

I sey, ‘Make una plant raitiousness for unasef, den una go harvest love wey nor dey end. Make una klear new groun for unasef, bikos dis na di time to turn kom meet mi, so dat I go save una.’

Matiu 6:1

“Make una nor dey do good bikos una wont make pipol si una; if una do so, God nor go pay una for di good wey una do.

2 Korintians 9:12

Bikos dis work wey una dey do so, nor just dey help only God pipol, but e dey always make pipol, tank God.

2 Korintians 9:6

Na wetin I dey tok bi dis; Pesin wey plant small, go harvest small, but di pesin wey plant plenty, go harvest plenty.

Galatians 3:5

Wetin make God give una di Spirit to do mirakle? Na bikos una do wetin di law tok or bikos una bilive wetin una hear?

Efesians 5:9

bikos di fruit wey lite get, dey bring goodness, raitiousness and trut.

Filippians 1:11

Make di work wey Christ do for us and how to please God, full una mind. Den all di glory and praiz go bi God own.

Filippians 4:17

I nor dey tok dis bikos I wont gift, but make una for gain from dis work wey una dey do.

1 Tesalonians 3:12

Make Christ make una love for each oda and for evribody, grow more-more and big, just as awa love for una bi,

1 Tesalonians 4:10

And una really dey show love to di Christian brodas and sistas for Masidonia. My brodas and sistas, wi dey beg una sey, make una kontinue to dey do like dat.