2 Korintians 6:4 - Holy Bible Nigerian Pidgin English

⁴ But wi dey show sey wi bi God savant for evritin wey wi dey do. Wi dey sofa well-well and face trobol for dis time; even for wiked times;

2 Korintians 6:4 ပူးပေါင်းရင်းမြစ်များ

Isaya 61:6

Dem go know una as God priests wey bi en savant. Una go enjoy di nashon propaty. Den una go dey proud sey na una own.

Joel 1:9

Di priest dem dey mourn, bikos wine and korn ofrin nor dey to offa for di temple again.

Joel 2:17

Make di priest wey dey serve God for di altar, stand and kry for di temple gate kon sey, “My Oga God, make Yu sorry for yor pipol. Nor allow oda nashons hate, laf and ask us sey, ‘Where una God der?’ ”

Luke 21:19

So, if una stand rish di end, God go save una.”

John 16:33

“I don tell una all dis tins, so dat my peace go stay with una. Wahala full inside di world and sofa dey too, but make una heart dey strong, bikos I don already win di world.”

Acts 2:22

“Israel pipol, make una hear wetin I dey tok, Jesus Christ wey kom from Nazaret, di man wey God choose and wey e send to una, wey God use do many mirakles and oda wonderful signs for una front, as all of una know,

Acts 20:34

Una know sey na dis my hand I take dey work and get evritin wey I wont and even dey help pipol wey dey with mi.

Acts 9:16

True-true I go show am how e go sofa, bikos of my name.”

Romans 14:18

If yu serve Christ like dis, God go dey happy with yu and pipol go respet yu.

Romans 16:10

Make una greet Apelles for mi, bikos Jesus Christ don choose am. Den make una still greet Aristobulus family for mi.

Romans 3:5

If God nor ponish us for di bad tins wey wi dey do, e mean sey God dey support us? No! So if God ponish us, wi go sey E dey wiked? (Na so some pipol dey tok).

Romans 5:8

But God show how en love for us big rish, wen E send Christ kom die for us, even doh wi still dey sin.

1 Korintians 3:5

Mi and Apollos na God savant and E use us take prish to una make una for fit bilive, so mi and am dey do di work wey God sey make wi do.

1 Korintians 4:1

Make una dey tink about us as Christ savant wey God don show en sekret.

1 Korintians 9:11

So if wi don plant spiritual seed among una, e go dey too mush if wi ask for ordinary food and drink from una?

2 Korintians 11:23

Na Christ savants bi? (I don dey tok like sey I dey kraze again!) Misef na Christ savant wey betta pass dem! I don work hard pass dem, I don dey prison plenty times pass dem, dem don beat mi well-well pass dem, I don nearly die plenty times.

2 Korintians 11:27

I don do hard work; nor sleep for many nites; food and wota go dey hongry mi; many times, I nor get food to chop. I don dey for kold and I nor get klot to kover body.

2 Korintians 11:9

Wen I nid anytin for di time wen I dey with una, I nor put my load for anybody head, bikos awa brodas wey Masidonia dey give mi evritin wey I nid. I nor allow mysef to bi problem for anybody and I nor go ever do am.

2 Korintians 12:10

I dey happy as I dey weak with all di curse, trobols, ponishment and wahala wey I dey sofa bikos of Christ, bikos anytime wey I dey weak, na dat time, I dey-dey strong.

2 Korintians 12:12

True-true for una present, wi do mirakles and wonders to show sey wi bi apostles too.

2 Korintians 2:17

Wi nor bi like odas wey dey do God word like sey na sometin wey dem fit sell; but bikos na God send us kom, wi dey tok di trut for en present, as Christ savant.

2 Korintians 3:6

Na God make us fit do dem, so dat wi go serve di new kovenant; dis nor bi di law wey dem rite, but na di one wey koncern God Spirit, bikos di law wey dem rite dey bring deat, but di Spirit dey give life.

2 Korintians 4:17

Bikos di small trobol wey wi dey face naw, go bring glory wey big well-well, wey go last forever and wey betta pass anytin for dis world.

2 Korintians 4:2

But wi don stop to dey do wiked tins wey pipol dey hide dey do; wi nor dey do wayo or lie join God word, but with trut wey evribody fit si, wi dey make evribody know for dia mind sey, wetin wi dey do, dey good for God eye.

2 Korintians 4:8

Wi dey face wahala for difren korna, but awa body nor skata; wi dey konfuse sometaim, but wi nor dey luz hope,

2 Korintians 7:11

Naw, make una si wetin dis vexnashon wey God plan don do for una: Si how una work for God bi naw; si how una won show sey una hand klean; si as una dey vex bikos of di bad tin wey happen; si how una dey sopraiz; si as una dey won si and worry about us; si how una ready to ponish anybody wey do bad! For evritin, una don show sey una hand klean for dis matter.

Kolossians 1:11

Wi still dey pray sey una go dey strong with God pawa wey get glory. Una go show sey una dey patient and get strong mind for God work with happiness.

Kolossians 1:24

I dey happy for di sofa wey I dey sofa for una and for di church wey bi Christ body, so I dey take my body komplete wetin remain for Christ sofa.

1 Tesalonians 3:7

So, awa brodas and sistas, for all awa trobol and sofa, awa heart dey strong about una, bikos of una faith.

1 Tesalonians 5:14

Wi dey beg una, awa brodas and sistas, make una tell pipol wey dey bihave anyhow sey, wetin dem dey do nor good, den make una help doz wey dey weak, but make una dey patient with evribody.

1 Timoti 2:15

But God go save di woman wen e won born, so-far e kontinue to get faith, love, holiness and dey kontrol ensef.

1 Timoti 4:6

If yu give all dis kommand to di brodas and sistas, yu go bi good savant for Christ, bikos yu don feed yorsef with God word, wey bi di spiritual food and naim bi di good tishing wey yu dey follow.

1 Timoti 6:11

But yu wey dey serve God, make yu nor put hand for all dat kind tin. Instead, make yu dey struggol to do wetin dey rite and good; dey keep yor promise; dey love; get patient and dey gentol.

2 Timoti 1:8

So make yu dey proud to tok about Christ or about mi wey dey prison bikos of am and make yu use di pawa wey God give yu, take follow mi sofa for dis gospel.

2 Timoti 2:24

Pesin wey bi Christ savant nor dey kworel, instead e must dey good with evribody; must sabi tish well-well and get patient with sturbon pipol.

2 Timoti 4:5

But make yu kontrol yorsef for evritin. Nor fear to sofa for Christ. Dey do God work and dey tell odas about di Good News.

Hibru 12:1

Since wi get many witness wey surround us, e good make wi drop evry load and sin wey dey make us fall, so dat wi go use awa mind live di life wey God wont.

Revelashon 1:9

Mi John, I bi una broda and I dey follow una share from di trobol bikos of di kingdom and dey bear di sofa wey dey inside Jesus. Dem porshu mi go Patmos Island, bikos I dey prish God word and tok about Jesus Christ.

Revelashon 3:10

Bikos yu don obey my kommandment wey bi to get patient, I go protet yu wen I won test evribody for dis world.