2 Korintians 6:10 - Holy Bible Nigerian Pidgin English

¹⁰ wi dey like sey wi dey vex, but wi dey always happy; wi bi like poor pipol, but wi dey make many pipol rish; wi bi like who nor get anytin, but wi get evritin.

2 Korintians 6:10 ပူးပေါင်းရင်းမြစ်များ

Psalms 84:11

Oga God na awa sun and naim dey protet us. God dey give us grace and glory and E go always dey good to doz wey dey do good.

Proverbs 13:7

Poor pipol dey bihave like sey dem get money, but doz wey get money dey pritend sey dem poor.

Proverbs 16:16

E betta well-well to get wisdom and undastandin, dan to get gold and silva.

Matiu 5:12

make una happy and make belle sweet una, bikos na big tin dey wait una for heaven. Make una remember sey, na so di profets wey kom before una, sofa too.”

Matiu 5:4

God go bless una wey dey mourn, bikos E go make una happy.

Luke 6:21

Make una happy, una wey dey hongry, bikos una go beleful. Make una happy, una wey dey kry naw, bikos una go laf.

John 16:22

Na so e bi for una naw, bikos una heart dey heavy, but I go si una again and for dat time, una go dey happy and nobody go fit take di happiness from una.

Acts 16:25

Wen mid-nite rish, Paul and Silas kon dey pray and sing song give God and all di pipol wey dey di prison dey listin to dem.

Acts 3:6

Pita kon tell am, “I nor get silva or gold to give yu: but na wetin I get, I go give yu. With Jesus Christ name wey kom from Nazaret, stand up make yu bigin waka!”

Acts 5:41

So di apostles komot from der dey happy well-well sey God don give dem di shance to sofa, bikos of Jesus Christ.

Romans 11:12

If Israel pipol sin fit make Gentile pipol dey save, dat mean sey, wen Israel pipol turn go meet God, pipol wey go dey save, go plenty well-well.

Romans 12:15

Wen pipol dey happy, make una follow dem happy and wen dem dey kry, make una follow dem kry too.

Romans 15:13

I pray make God wey dey give hope, bless una with joy and peace bikos of una faith. So make di Holy Spirit pawa full una body with faith.

Romans 8:32

True-true, if E let dem kill en own pikin for awa sins, den E go fit give us evritin wey wi ask from am free of sharge!

Romans 9:2

e dey pain mi for mind and sorrow full my heart,

1 Korintians 1:5

Bikos wi dey with Christ, God make us dey rish for evry side, both for wisdom and undastandin,

2 Korintians 2:4

Na pain for my heart I take rite dis leta give una, nor bi to make una vex, but na to let una know di kind love wey I get for una.

2 Korintians 4:15

All dis tins na for una good, so dat God grace wey dey rish many pipol evriday, go make pipol dey tank God more-more and all di glory go bi en own.

2 Korintians 4:7

But dis betta tin wey God give us, wi dey karry am for inside awa body wey go die like klay pot wey break and na God give us di pawa.

2 Korintians 8:9

Una know di grace wey awa Oga God Jesus Christ get; even doh e dey rish, e kon turn poor man bikos of una, so dat thru en poverty, una go dey rish.

Efesians 3:16

I dey pray sey as en glory big rish, E go make una strong well-well with pawa thru en Spirit wey bi di really pesin inside una.

Efesians 3:8

Na mi small pass for all God pipol, but God don give mi grace to prish di Good News give Gentile pipol and dis grace wey Christ give mi, nor dey finish.

Filippians 2:17

But even if dem take mi offa sakrifice for una, I go dey happy,

Filippians 4:4

Make una always dey happy inside Christ. I dey tok again sey, make una dey happy!

Kolossians 1:24

I dey happy for di sofa wey I dey sofa for una and for di church wey bi Christ body, so I dey take my body komplete wetin remain for Christ sofa.

Kolossians 3:16

Make Christ word stay inside una and make una dey tish each oda with wisdom wey go make una heart strong. Make una dey sing psalms, hymns and spiritual song and dey do all dis tins to really tank God from una heart.

1 Tesalonians 1:6

So, una kon bigin do as wi and Christ dey do; even doh una sofa well-well, una receive di message with joy wey di Holy Spirit dey give.

1 Tesalonians 5:16

Make una dey happy evritime.

1 Timoti 4:8

Fisical trainin dey good, but na to know God good pass, bikos yu go get reward for dis life and di one wey dey kom.

1 Timoti 6:18

Tell dem sey, make dem use dia money take do good. Make dem dey do plenty good works kon dey give doz wey nor get and make dem always dey ready to share with odas.

Hibru 10:34

True-true, una sofa like oda prisonas and una dey happy wen dem seize all una propaty, bikos una know sey una get betta tin wey go last forever.

James 2:5

My brodas and sistas, make una listin! God nor choose poor pipol for dis world sey, make dem rish for faith and inherit di kingdom wey E promise sey E go give doz wey love am?

1 Pita 4:13

Instead, make una dey happy as una dey sofa for Christ, so dat wen God go show una en glory, belle go sweet una.

Revelashon 2:9

I know di sofa wey yu sofa and how yu nor get money, but yu get enough money. I still know di bad tins wey dem tok about yu. Dem sey dem bi Jew pipol, but dem nor bi Jew, bikos dia sinagog, na Satan own.

Revelashon 21:7

Di pesin wey win, go inherit dis tins. I go bi en God and e go bi my pikin.