2 Korintians 6:1 - Holy Bible Nigerian Pidgin English

¹ Naw, bikos wi bi fellow workers, wi dey beg una make una nor waste God grace wey una don receive.

2 Korintians 6:1 ပူးပေါင်းရင်းမြစ်များ

Jeremaya 8:8

How una go sey, ‘Wi wise well-well and wi know God law, wen e bi sey, doz wey dey tish di law, don shange wetin e really mean?’

Matiu 23:37

“O! Jerusalem pipol, O! Jerusalem pipol! Una wey kill di profets and stone di pipol wey God send kom meet una! I don dey try to gada una shidren as fawol dey gada en shidren under am, but una nor let mi do am.

Acts 11:23

Wen e rish der kon si how God don bless di pipol, e happy well-well kon enkourage dem sey make dem kontinue to woship God with all dia heart.

Acts 14:3

Di apostles stay der tey well-well and dem tok with boldness about God, wey show sey dia message about en goodness na true, bikos E kon give dem pawa to do many mirakles and wonders.

Romans 12:1

My brodas and sistas, God dey good. So Abeg, as una dey alive, make una dey offa una body gi-am as sakrifice. Make una dey do wetin E tok and wetin go make belle sweet am. Na dis bi di best way to serve God.

1 Korintians 3:9

All of us na ko-workers for God and na una bi God farm and en buildings.

2 Korintians 10:1

Naw, mi Paul (I kwayet wen I dey with una, but my mout dey sharp naw wen I don leave una). Christ wey nor dey karry body up, wey dey gentol,

Galatians 2:21

I nor go trowey God grace; bikos if na wetin di law tok go make pesin good, den Christ die for nor-tin!

Galatians 3:4

Una sofa dis many tins for nor-tin? True-true, una really sofa for nor-tin.

1 Tesalonians 3:5

So wen I nor fit bear again, I send pesin make e help mi shek how una faith bi, bikos I dey fear sey devil wey dey tempt pipol, don tempt una and all di work wey wi do among una, don dey yuzles.

Titus 2:11

Bikos God grace wey bring salvashon, don kom out make evribody si am.

Hibru 12:15

Make una make sure sey nobody turn back from God grace and make nobody get bad belle and kause trobol wey go make pipol sin.

Hibru 12:25

Make sure sey una dey obey di Pesin wey dey tok to una! Bikos if Israel pipol wey nor gri hear dia oga Moses word for eart nor eskape, how wi go fit eskape, if wi nor gri hear di Pesin wey dey tok to us from heaven?

Hibru 4:1

Even doh God promise us rest, e good make wi dey kareful, so dat some among us nor go miss di promise.

1 Pita 4:10

God don give evribody en own gift, so make una use di gift take help each oda as good savant wey get God grace.

1 Samuel 14:45

But di sojas sey, “Make Jonatan wey win dis war for Israel, die? E nor go ever happen! As long as God dey alive, one hair for Jonatan head nor go even fall rish groun! Bikos na with God help, e take do wetin e do today.” So di sojas nor let dem kill Jonatan.