2 Korintians 4:8 - Holy Bible Nigerian Pidgin English

⁸ Wi dey face wahala for difren korna, but awa body nor skata; wi dey konfuse sometaim, but wi nor dey luz hope,

2 Korintians 4:8 ပူးပေါင်းရင်းမြစ်များ

Psalms 129:2

Even doh enemies dey attack us since wi dey small kom rish naw, dem neva ever fit win us.

Psalms 37:33

But God nor go let wiked pipol win or let dem kondemn doz wey dey fear am.

Proverbs 14:26

Doz wey dey fear God, dey save and God dey guide dia shidren.

Proverbs 18:10

God name na strong place to hide put, raitious pipol dey run enter and dem dey-dey save.

Isaya 40:31

But pipol wey dey wait for God to kom help dem go get new strent and pawa. Dem go fly high like eagle; even wen dem run, dem nor go taya and wen dem waka, dem nor go faint.

Habakkuk 3:17

Even doh di fig and olive tree nor get fruit naw and di grape nor gri grow for di vine or sey di land produce korn and all di animals don die,

John 14:18

I nor go leave una like pikin wey nor get papa and mama, bikos I go kom meet una again.

1 Korintians 10:13

E nor get anytin wey dey happen to una naw, wey neva happen to odas before, but God dey keep en promise and E nor go allow una pass thru wetin una nor go fit bear.

2 Korintians 12:10

I dey happy as I dey weak with all di curse, trobols, ponishment and wahala wey I dey sofa bikos of Christ, bikos anytime wey I dey weak, na dat time, I dey-dey strong.

2 Korintians 6:12

Wi nor dey whole awa love from una, but na una dey whole una love from us.

2 Korintians 6:4

But wi dey show sey wi bi God savant for evritin wey wi dey do. Wi dey sofa well-well and face trobol for dis time; even for wiked times;

2 Korintians 7:5

Even wen wi enter Masidonia, wi nor rest at-all, but dem trobol us from difren korna; wahala for outside, fear for inside.

Galatians 4:20

How I wish sey I dey with una naw, so dat I go know how to trit una, bikos I dey worry about una well-well.

1 Samuel 28:15

Samuel kon tell Saul, “Wetin make yu dey disturb mi? Wetin make yu koll mi kom back?” Saul ansa, “I dey for big wahala! Filistia pipol dey fight mi and God nor dey ansa mi again. E nor dey listin to mi or tok to mi thru profet or dream. So I kon koll yu, so dat yu go tell mi wetin I go do.”

1 Samuel 30:6

David vex well-well, bikos en men dey tink for dia mind sey make dem stone am. Each man dey kry for en pikin. But di Oga God kon give David strong mind.

1 Samuel 31:4

So, Saul kon tell en savant wey dey karry en swod sey, “Draw yor swod make yu stab mi, so dat Filistia sojas wey dem nor sekonsaiz, nor go kill mi.” But di savant nor gri stab am, bikos e dey fear. So Saul take di swod kon kill ensef.