2 Korintians 13:5 - Holy Bible Nigerian Pidgin English

⁵ Make una test unasef to know weda una still dey inside di faith; e good make una shek unasef well-well! Una nor know sey Christ dey inside una? May bi una don fail di test!

2 Korintians 13:5 ပူးပေါင်းရင်းမြစ်များ

Psalms 119:59

Wen I tink as my life bi naw, I kon choose to follow yor ways.

Psalms 17:3

Na nite wen I dey sleep Yu take test my mind kon shek my heart. Yu don shek mi kon si sey I nor dey wrong. I don sey I nor go sin with wetin I dey tok or do.

Psalms 26:2

O my God, make Yu look mi well-well, den test my heart, so dat Yu go know wetin I dey tink.

Jeremaya 6:30

Dem go koll dem yuzles silva, bikos mi wey bi God, don rijet dem.

Lamentashons 3:40

Instead, make wi shek and test di tins wey wi dey do kon turn from sin kom meet God.

Ezekiel 18:28

bikos e si sey wetin e dey do nor good, so e kon stop to dey sin. E nor go die at-all, but e go live.

Haggai 1:5

Naw dis na wetin Oga God wey get pawa dey tok: “Make una tink about wetin dey happen to una!

Haggai 1:7

“God wey get pawa sey, ‘Make una tink about wetin dey happen to una naw.’

John 14:23

Jesus ansa am, “Anybody wey love mi, go do wetin I tok and my Papa go love am, den wi go kon meet and stay with am.

John 15:4

Make una dey inside mi, so dat I go dey inside una too. As di branches nor fit bear fruit with en own pawa unless e dey inside di vine, na so una nor go fit bear fruit, unless una dey inside mi.

John 17:23

I dey with dem and yu dey with mi, so dat dem go really bi one, just as wi bi one and di world go know sey na yu send mi and yu love dem, as yu love mi.

John 17:26

I don help dem know yor name and I go dey try to make oda pipol know am too, so dat di love wey yu get for mi, go dey with dem, as I dey with dem.”

John 6:56

Di pesin wey chop my flesh and drink my blood, go stay inside mi and I go dey inside am too.

John 6:6

Jesus tok dis one make e for si wetin Filip go do, bikos en ensef know wetin e won do.

Romans 1:28

Since dem nor gri put God for mind and serve am, E kon leave dem make dem use dia bad mind dey do tins wey dem nor suppose do.

Romans 8:10

Christ dey live inside una. So una dey alive, bikos God don asept una, even doh una body must die, bikos of una sins.

1 Korintians 11:28

So make evribody shek ensef, before e chop di bread and drink from di cup.

1 Korintians 11:31

But if wi judge awasef, God nor go ponish us.

1 Korintians 3:16

Una nor know sey una bi God Temple and en Spirit dey inside una?

1 Korintians 6:15

Una nor know sey una body na part for Christ body? So e dey good make wi put awa body for ashawo work? God forbid!

1 Korintians 6:19

Abi una nor know sey una body na di temple wey di Holy Spirit dey stay? So, nor bi una get unasef.

1 Korintians 6:2

Una nor know sey na God pipol go judge di world? And if na una go judge di world, una nor fit setol small-small matter among unasef?

1 Korintians 9:24

Una nor know sey, wen pipol dey run, na only one pesin go win di race and di prize? So make una run, so dat una go fit win!

1 Korintians 9:27

Instead, I dey kontrol my body kon make am my slave, so dat afta I don prish di Good News give odas, God nor go rijet mi.

2 Korintians 6:16

Wish kind business God Temple and juju get? Bikos wi bi God Temple, just as God sey, “I go stay inside dem and waka among dem, den, I go bi dia God and dem go bi my pipol.”

Galatians 2:20

I don die with Christ for cross, so nor bi mi dey live again, but na Christ dey live inside mi. Di life wey I dey live naw, na bikos of di good tins wey God pikin do inside mi, bikos e love and die for mi.

Galatians 4:19

My shidren! Just like woman wey won born, I dey feel pain for una, until Christ pawa go dey inside una life!

Galatians 6:4

Instead of una to dey kompare unasef with anoda pesin, make una shek unasef, den una go fit tok about unasef.

Efesians 3:17

So dat Christ go dey inside una heart thru faith and wen una don strong well-well inside God love,

Kolossians 1:23

If true-true una get faith and una leg strong for groun, den una go get hope kon whole di gospel wey una hear. Dem don prish dis gospel give evribody for di world and mi Paul don bi di gospel savant.

Kolossians 1:27

God wont make dem know di rishis wey dey en glory; wey di sekret get for evribody and na-im bi Christ wey dey inside una. So una get hope sey una go share for God glory.

Kolossians 2:19

Dat pesin nor dey with Christ wey bi di head. Bikos na Christ join di whole body togeda, as dem dey grow inside God.

Kolossians 2:7

Make una dey strong for groun and dey grow inside Christ, so dat una faith go strong as wi dey tish una and una go dey tank God well-well.

1 Timoti 2:15

But God go save di woman wen e won born, so-far e kontinue to get faith, love, holiness and dey kontrol ensef.

2 Timoti 3:8

Just as Jannes and Jambres oppoz Moses; na so too, dis pipol wey dia mind block and nor get faith, dey oppoz di trut.

Titus 1:13

Wetin di profet tok, na true. So bikos of dis, make yu stop dem, so dat di bilivers go strong for faith.

Titus 1:16

Dis kind pipol dey sey dem know God, but di way wey dem dey live dia life, show sey dem nor know am, bikos dem get bad mind, dey disobey God and dem nor ever dey like betta tin.

Titus 2:2

Make yu tish old men sey, make dem nor dey bihave anyhow, so dat pipol go respet dem and make dem dey kontrol demsef; get faith; dey show love and dey patient.

Hibru 12:15

Make una make sure sey nobody turn back from God grace and make nobody get bad belle and kause trobol wey go make pipol sin.

Hibru 4:1

Even doh God promise us rest, e good make wi dey kareful, so dat some among us nor go miss di promise.

Hibru 6:8

But if na so-so shuku-shuku and grass di groun dey bear, dat mean sey e dey yuzles. So God go curse and distroy am with fire.

James 4:4

Una wey dey do bad tins for dis world, una nor know sey to bi dis world friend, mean sey una bi God enemy? So anybody wey gri sey en and dis world na friend, don make ensef God enemy.

1 Pita 5:9

Make una nor gi-am shance, but make una faith strong, bikos una know sey na di same tin una brodas and sistas for evriwhere for dis world, dey sofa.

Revelashon 2:5

So, make yu remember where yu from fall and turn from sin kom meet God, den bigin do di tins wey yu first dey do. If yu nor gri turn from sin kom meet God, I go remove yor lampstand from where e dey.