2 Korintians 12:20 - Holy Bible Nigerian Pidgin English

²⁰ Bikos I dey fear sey wen I kom, I nor go like wetin I go si and una nor go like as I go tok. I dey fear sey una go dey kworel, dey jealous each oda; dey vex; dey tink of only unasef; dey tok bad about each oda; dey do aproko; dey karry body up and dey bihave anyhow.

2 Korintians 12:20 ပူးပေါင်းရင်းမြစ်များ

Psalms 41:7

Pipol wey hate mi dey tok for each oda ear about mi and na only bad tins dem dey tink about mi.

Proverbs 16:28

Wiked pipol dey do aproko waka; dem dey kause trobol and break friendship.

Romans 1:29

Wetin full dia mind na wikedness, evil tins, long-trot, bad belle, bad-bad tins; jealousy, to kill and fight, to lie, to keep enemy with pipol, to judge pipol waka,

Romans 1:30

to tok bad about odas and hate God. Dem dey karry body up, dem nor get respet and na bad tins full dia mind. Dem nor dey respet dia papa and mama.

Romans 2:8

But E go show en vexnashon and ponish doz wey bikos of long-trot rijet di trut kon dey do bad tins.

1 Korintians 1:11

Bikos I don hear thru Khloe family sey, una dey kworel among unasef.

1 Korintians 14:33

bikos God wont make dem do evritin well. Wen God pipol meet for church,

1 Korintians 5:2

And shame nor even dey katch una! Una suppose to feel bad kon drive di pesin wey do dis kind tin.

2 Korintians 1:23

Na God bi my witness, bikos E know my heart! Na bikos I nor won disturb una naim make mi nor go Korint again.

2 Korintians 10:2

I take am beg una, so dat wen I kom, I nor go nid to tok with vexnashon about pipol wey si us like yeye pipol (bikos I dey fear sey na so e go bi).

2 Korintians 10:6

And wen una don show sey una dey fear God, wi go always dey ready to ponish doz wey dey disobey God.

2 Korintians 12:21

I dey fear sey wen I kom again, God go disgrace mi for una front. And I go kry, bikos many of una still dey sin. Una neva turn from sin kom meet God; una neva turn komot from di ashawo and yeye life wey una dey live.

2 Korintians 13:2

Wen I dey with una for my sekond visit, I tell una wey dey sin before about dis tins. Even doh I nor dey with una naw, I dey tok am again sey, if I kom again, I nor go sorry for anybody, but I go ponish am,

2 Korintians 2:1

So I sey I nor go kom visit una, so dat una nor go vex again.

Galatians 5:15

But if una kontinue to kworel among unasef; una go fit wound or kill each oda by mistake.

Galatians 5:26

Make wi nor dey karry body up and dey do wetin go vex pipol or dey jealous one anoda.

James 4:11

My brodas and sistas, make una nor tok bad about each oda. Anybody wey tok bad or judge en broda or sista for Christ, e dey tok bad about di law and e dey judge di law. But if una judge di law, den una nor dey obey di law, but una don bikom di law judge bi dat.

1 Pita 2:1

Make una stop to do bad tin; dey deceive pipol, pritend; dey jealous and tok bad about pipol.

2 Pita 2:18

Dem dey use dia big-big grammar wey nor mean anytin, take deceive pipol wey just dey won komot hand for bad tins.

Jude 1:16

Dis pipol dey komplain waka and dey find fault. Dem dey go anywhere wey dia body karry dem go and dem dey boast. Dem dey tok wetin pipol like to hear, so dat odas go praiz dem.