2 Korintians 10:12 - Holy Bible Nigerian Pidgin English

¹² Wi nor go kompare awasef with doz wey sey dem good well-well or kon put awasef for di same group. But wen dem dey measure and kompare demsef with demsef, e dey show sey dem nor get sense.

2 Korintians 10:12 ပူးပေါင်းရင်းမြစ်များ

Job 12:2

“True-true, una know pass evribody. So wen una die, wisdom go follow una die too.

Proverbs 25:27

Just as too mush honey nor good for yu, na so too, to make pipol dey praiz yu well-well, nor good.

Proverbs 26:12

Pesin wey foolish well-well, betta pass pesin wey tink sey e wise, but e nor get sense.

Proverbs 27:2

So make yu let odas praiz yu, instead of yu to dey praiz yorsef.

Luke 18:11

Di Farisee kon stand dey pray about ensef sey: ‘God, I tank yu sey I nor bi like oda pipol wey dey play wayo, dey sin, pipol wey dey kommit adultery or even like dis tax kollector.

Romans 15:18

With betta mind, evritin wey I dey tok about, na how Christ let mi tok and work, so dat Gentile pipol go obey am.

2 Korintians 10:11

Make doz pipol know sey, “Wetin wi tok for leta wen wi nor dey with una, wi dey do am wen wi dey with una.”

2 Korintians 10:18

Bikos nor bi who praiz ensef dey rite, but na di pesin wey God like to praiz.

2 Korintians 3:1

Wi don dey boast about awasef again? Wi nor nid una to rite sey, wi dey good, even doh odas dey wont am like dat!

2 Korintians 5:12

Wi nor dey try to tok make una for sey wi dey good, but wi dey give una shance to boast, so dat una go fit ansa pipol wey dey boast with wetin eye fit si, but nor bi wetin dey dia mind.