2 Kings 6:17 - Holy Bible Nigerian Pidgin English

¹⁷ Den Elisha kon pray, “Oga God, make Yu open my savant eye, so dat e go si for ensef.” So God open di savant eye, so e kon si sey many horse with fire kover di mountins wey surround Elisha.

2 Kings 6:17 ပူးပေါင်းရင်းမြစ်များ

Jenesis 21:19

Den God kon make Hagar si one well wey get wota. Hagar go fill di wota bag wey e karry with wota and e kon give di boy wota drink.

Jenesis 32:1

Jakob kon go en own way and God angels kom meet am.

Jenesis 32:2

Wen Jakob si dem, e kon sey, “God dey for dis place!” So e name di place Mahanaim.

Jenesis 32:3

Jakob send message go meet en broda Esau for Seir wey dey for Edom land

2 Kings 2:11

As dem dey waka dey tok dey go, one shariot with fire kom out at wons kon separate dem two. Den strong breeze kon karry Elijah go heaven.

Psalms 104:3

Yu build yor palis kon put am on-top di kloud where rain from dey kom. Yu turn di kloud to yor shariot kon dey ride am on-top di wind.

Psalms 104:4

Breeze na yor messenja and fire na yor savant.

Psalms 119:18

Make Yu open my eyes to si di wonderful tins wey dey yor law.

Psalms 125:2

Just as mountin gada round Jerusalem, na so too God dey round en pipol, both naw and forever.

Psalms 34:7

Bikos na God angel dey guide mi, na so too E dey protet and guide all di pipol wey dey fear am.

Psalms 68:17

Wen Oga God appear to en pipol for Mount Sinai, E kom with angels and shariot wey nobody fit kount.

Psalms 91:11

Bikos E go kommand en angels make dem protet una for evritin wey una dey do.

Psalms 91:15

Wen dem koll mi, I go ansa dem; I go dey with dem wen dem dey trobol. I go save and make pipol honor dem.

Isaya 42:7

Yu go open blind pipol eyes, save doz wey dey darkness and free doz wey dey prison.

Daniel 10:7

Na only mi, Daniel si di vishon. Di men wey follow mi nor si am. Dem run go hide, bikos dem dey fear.

Zekaraya 1:8

For inside vishon dat nite, I si one man dey ride one red horse, den e stop for one valley wey trees full and I kon si anoda red, brown and white horse wey get black spot for body, dey follow am for back.

Nombas 22:31

Den God open Balaam eye and e si God angel as e stand for di road with swod for en hand; so e kon fall face groun.

Matiu 26:53

Yu tink sey, I nor fit koll my Papa sey make e send many angels kom help mi naw-naw?

Acts 26:18

yu go open dia eyes make dem for waka komot from darkness enter lite. Make dem komot from Satan hand, go meet God, so dat God go forgive dem dia sins and dem go follow di pipol wey God don make klean, bikos dem bilive am.’

Efesians 1:18

Una eye don open to undastand di grace wey God koll una kom enter and una don si how di blessing wey E promise en pipol, plenty rish.

Hibru 1:14

All di angels na savants and na dem God send go prish for pipol wey go get salvashon.

Revelashon 19:11

Den I si heaven open and one white horse dey kom out! Dem dey koll di Pesin wey dey ride di horse, “Faithfulnes and Trut.” E dey judge without parsha or wayo even as E dey go fight war.

Revelashon 19:14

Di sojas wey dey heaven, wear white linen kon enter white horse dey follow am.

Revelashon 3:7

“Make yu rite di tins wey I won tell yu naw, go give di angel for di church wey dey Filadelfia: ‘Di Pesin wey dey holy and true, wey whole David key; wen dis pesin open door, nobody go fit klose am and wen e klose door, nobody go fit open am.