2 Kings 3:9 - Holy Bible Nigerian Pidgin English

⁹ So Israel, Judah and Edom kings kon dey go fight. Afta dem don waka anyhow for seven days, dia sojas and animals nor kon get wota to drink again.

2 Kings 3:9 ပူးပေါင်းရင်းမြစ်များ

1 Kings 22:27

Una go tell dem make dem put am for prison kon gi-am bread and wota till I go kom back.”

1 Kings 22:47

For dis time, Edom nor get king, na govnor dey rule dem.

1 Kings 22:48

King Jehoshafat build plenty big ship wey dey travel go get gold for Ofir, but dem sink for Ezion-Geber.

2 Kings 3:1

Ahab pikin, Joram kon bi king for Israel and e rule from Samaria for twelf years and dat na di eighteen year wey Jehoshafat dey rule for Judah.

2 Kings 3:10

Den Israel king sey, “True-true, na God bring us kom here so dat Moab King and en pipol go kill us.”

2 Kings 3:7

Den e send message go meet King Jehoshafat for Judah sey: “Moab king sey en won fight mi. Yu go follow mi go fight am?” King Jehoshafat ansa, “Okay! I go follow yu, bikos as yu bi, na so I bi too. My pipol na yor pipol and my horse dem na yor own too.”

2 Kings 3:8

Den e ask am, “Na where wi go pass go.” King Joram ansa, “Wi go pass thru Edom Wildaness.”

2 Kings 8:20

Wen e dey rule, Edom pipol free demsef from Judah kon get dia own king.

Exodus 11:8

All dis yor savants go kom meet and bow for mi sey, ‘Make yu and all di pipol wey dey follow yu komot for here’ and afta dis, I go komot for here too.” With vexnashon, Moses kon waka leave Fero.

Exodus 15:22

Den Moses lead Israel pipol from di Red Sea enter Shur wildaness. Dem travel inside di wildaness for three days and dem nor si wota drink.

Exodus 17:1

Israel pipol kon start to travel from Sin Wildaness, just as Oga God kommand dem. Dem stay for Refidim, but di pipol nor si wota to drink for der.

Nombas 20:2

Wota nor dey, so di pipol kon gada round Moses and Aaron

Nombas 20:4

Wetin make yu bring us kom dis wildaness, so dat wi go die with awa animals?

Nombas 21:5

Di pipol tok against God and Moses sey, “Why Yu take us komot from Egypt make wi for die for dis wildaness wey bread or wota nor dey and wi don taya for dis yeye food.”

Nombas 33:14

Dem komot from Alush kon travel go Refidim, where wota nor dey for di pipol to drink

Judges 4:10

Barak koll Zebulun and Naftali tribe kon gada dem togeda for Kedesh and na 10,000 wariors follow am. Deborah still follow am go too.