2 Kings 24:3 - Holy Bible Nigerian Pidgin English

³ Just as God don tok before, E rijet Judah and en pipol, bikos of all di sins wey Manasseh kommit.

2 Kings 24:3 ပူးပေါင်းရင်းမြစ်များ

Jenesis 50:20

Even doh una mind na to kill mi, but God let am bi like dat, make betta tins for happen, so dat many pipol go dey save as una dey si today so.

2 Kings 17:18

So, bikos God dey vex for Israel pipol, E kon rijet dem; but Judah tribe still dey obey am.

2 Kings 17:20

So God rijet all Jakob shidren-shidren; E disgrace and give dem to tif, until E komot all of dem from en present.

2 Kings 17:23

So God rijet Israel pipol, just as E don bin warn dem thru all en savant, di profets. Dem karry Israel pipol from dia land go Assyria and dem dey der till naw.

2 Kings 18:25

I wont make yu know sey na as God kommand, I go take mash kon distroy dis place, bikos God sey, “Make yu mash go distroy dis land.” ’ ”

2 Kings 21:16

Manasseh still kill many innocent pipol and dia blood don stain Jerusalem from one end go rish di oda end. E even still dey enkourage Judah pipol to sin against God.

2 Kings 24:20

So bikos God dey vex, di time kon even rish wen God nor won si Jerusalem and Judah pipol for en present again. Leta, King Zedekaya won kon fight against King Nebukadnezzar.

2 Kronikles 24:24

Even doh Siria sojas small, God let dem win Judah sojas, bikos dem don turn from en wey bi dia grand-grand papa God. Like dis, God kon ponish King Joash.

2 Kronikles 25:16

As e dey tok, King Amazaya kon tell am, “Na who choose yu to advise di king? Make yu stop to profesai or dem go kill yu trowey!” Di profet stop kon sey, “I know sey God one distroy yu, bikos of dis tins wey yu do and yu nor gri listin to my advise.”

Exodus 20:5

Make una nor bow or serve dem, bikos na mi bi di Oga una God and I dey jealous well-well. I bi God wey dey ponish shidren and dia shidren-shidren, bikos dia papa Rijet mi.

Isaya 45:7

Na mi kreate both lite and darkness; di Pesin wey dey bring blessing and wahala and na mi wey bi God, dey do all dis tins.

Jeremaya 32:31

E go happen bikos since dem build dis town kon rish naw, di pipol for dis town don make mi vex well-well, so I go distroy am.

Jeremaya 52:28

Di pipol wey Nebukadnezzar karry as prisonas for di sevent year wey e bi king for Babilon, na 3,000 and twenty three.

Ezekiel 22:3

Tell di town wetin mi God wey get pawa dey tok: Bikos una don kill many of una own pipol kon make unasef dirty as una dey serve juju; I go soon get una time.

Ezekiel 24:6

Dis na wetin God wey get pawa dey tok: “Di town where dem for dey kill pipol, curse dey una head! E bi like dirty pot wey dem nor fit wosh klean. Dem dey remove di meat one-by-one and nor-tin remain inside.

Amos 3:6

Pipol nor dey fear, if dem blow war trumpet for di town? Abi wahala dey just happen for town, wen God nor allow am?

Mikah 2:10

So make una komot der and dis land nor dey save again, bikos una don use sin skata am finish!

Deutronomi 28:63

Just as e sweet God to prosper and make una plenty, na so too God go dey happy to distroy una. “E go remove una from di land wey una won enter go stay,

Deutronomi 29:28

So God don vex remove dem from dia land kon karry dem go anoda land and evribody dey si as e bi today.’ ”

Joshua 23:15

And na so, E don do evritin wey E promise una sey E go do for una, but if una disobey, God go bring all di judgement for una head, until E distroy una from dis good land wey di Oga una God give una.