2 Kings 22:19 - Holy Bible Nigerian Pidgin English

¹⁹ “Yu show sey yu dey sorry for di bad tins wey una do kon respet God wen yu hear how I won use dis place and di pipol wey dey stay here, as strong ezample for pipol wey dem curse.” ’ God sey, ‘Yu tear yor klot kon kry for my present and I don hear yu.

2 Kings 22:19 ပူးပေါင်းရင်းမြစ်များ

1 Kings 21:29

“Yu don si how King Ahab honbol ensef for mi since wen yu tell am wetin I tok? I nor go bring wahala kon gi-am wen e still dey life, but na en pikin go take head karry am.”

2 Kings 19:20

Amos pikin, Profet Isaya kon send message go meet King Hezekaya sey, “Dis na wetin di Oga wey bi Israel God dey tok: ‘I don hear yor prayers about King Sennakerib for Assyria.

2 Kings 20:5

“Make yu go back go meet Hezekaya, wey dey rule my pipol kon tell am sey, ‘Mi God wey bi yor grand-grand papa David God don hear yor prayer and si as yu dey kry. I go heal yu and afta three days yu go-go back to di temple.

2 Kings 22:11

Wen di king hear di laws wey dey di book, e kon tear en klot.

2 Kronikles 32:26

King Hezekaya and Jerusalem pipol kon turn kom meet God and E forgive dem again.

2 Kronikles 33:12

As dem dey sofa am, Manasseh kon turn go meet God wey bi en grand-grand papa God sey make E kon help am.

2 Kronikles 33:19

Wetin dem rite for di profets book still get: en prayers and how God take ansa am; all en sins and di bad tins wey e do; where e build high place with Asherah juju before e turn to Oga God.

2 Kronikles 33:23

Amon nor respet di Oga wey bi God, just as Manasseh en papa take leta respet am. E even sin pass en papa.

2 Kronikles 34:27

and yu kom turn from sin kom meet mi, as yu tear yor klot dey kry wen yu hear sey I won ponish Jerusalem with en pipol. I don hear una prayer.

Ezra 10:1

Wen Ezra dey pray, kry and konfess all dis sins for di temple front, many pipol, both men, wimen and shidren stand round kon join am dey kry.

Nehemaya 1:4

Wen I hear all dis tins, I sidan kry well-well and I nor chop for many days. Den I pray to God sey,

Nehemaya 8:9

Wen di pipol hear wetin dem read for di law, di word tosh dem sotey dem kon start to kry. So Nehemaya wey bi di govnor, Ezra wey bi priest wey know di law well-well and Levi pipol wey dey esplain di law kon tell all di pipol, “Today dey holy for di Oga wey bi una God, so una nor suppose mourn or kry.

Psalms 119:120

I dey shake bikos I dey fear Yu and yor kommandments and rules dey make mi sopraiz.

Psalms 119:136

I dey kry like river wey dey flow, bikos pipol nor gri obey yor kommands.

Psalms 51:17

Di sakrifice wey Yu wont, na spirit wey dey honbol and dey obey Yu. My God, Yu nor go rijet pesin wey honbol and turn from en sin kom meet Yu.

Psalms 51:19

Den Yu go asept di sakrifice wey dem go offa with betta spirit; di burnt and di full ofrins. Den pipol go offa melu as sakrifice, for yor altar again.

Exodus 10:3

So Moses and Aaron go meet Fero kon tell am, “God wey bi Hibru pipol God sey: ‘Na how long e go take yu before yu go honbol yorsef for where I dey? Make yu let my pipol go woship mi!

Isaya 46:12

So, una wey sturbon and nor dey do di rite tin, make una listin to mi.

Isaya 57:15

Na mi bi di high and holy God, di Pesin wey go live forever. Where I dey stay, dey high and holy, but I still dey stay with pipol wey dey honbol and ready to turn from sin kom meet mi, so dat I go give dem mind and hope again.

Isaya 66:2

Na my hand I take make heaven and eart; dem with evritin wey dey inside na my own. Mi wey bi Oga God, don tok! I go bless di pesin wey dey honbol and dey ready to turn from sin kom meet mi; pesin wey dey fear and obey mi.

Isaya 66:5

Make una listin to wetin God tok, “Una own pipol hate and porshu una bikos una dey obey my name. Dem dey laf una sey ‘Oya! Make una honor God name na! Make belle sweet una na!’ ” But make una nor worry, bikos na dem go shame.

Jeremaya 13:17

But as una nor gri listin, I dey kry for sekret, bikos of una pride; I go kry well-well till I nor fit kry again, bikos dem don karry God pipol go as slave.”

Jeremaya 14:17

God sey make I tell di pipol dis word: “I dey kry both day and nite and nor-tin fit stop mi, bikos my pipol don wound and dia sore deep well-well.

Jeremaya 26:6

If una nor gri obey mi, den I go distroy dis temple, just as I distroy Shiloh. I go make sure sey evribody for dis eart dey curse dis town.’ ”

Jeremaya 36:13

Den Mikaya tell dem evritin wey e hear Baruk dey read give di pipol.

Jeremaya 36:24

But even as di king and all en ofisas hear evritin, dem nor still fear or turn from sin kom meet God.

Jeremaya 44:22

Bikos God nor fit bear all di yeye tins wey una dey do, na dis make am turn una land to where pipol dey curse. E don skata am and pipol nor dey stay der again.

Jeremaya 9:1

I wish sey my head bi like well wey wota full and my eyes bi like fountain where wota for dey rush kom out, den I go kry well-well both day and nite for my pipol wey dem kill.

Ezekiel 9:4

“Make yu pass thru evriwhere for Jerusalem kon mark di pipol front head; pipol wey dey face trobol and wahala, bikos of all di bad tins wey dey happen for di town.”

Mikah 6:8

No! My pipol, God don tell una wetin dey good and wetin E wont from una, na to dey do wetin dey rite; show love; dey obey and respet am.

Nombas 25:6

At wons, one Israel man bring one Midian woman enter di tent where Moses and di whole kommunity for dey kry.

Luke 19:41

Wen Jesus near Jerusalem, e look di town kon dey kry,

Deutronomi 29:23

Fire and sulfur go kover di whole land. Dem nor go fit plant for der and nor-tin go grow for der. E go bi like Sodom and Gomorrah, Admah and Zeboiim, di towns wey God vex distroy.

Judges 20:26

Den all Israel pipol kon go Bethel again go kry and fast for God present till evening. Dem still bring burnt ofrin and peace ofrin kon give God.

1 Samuel 24:5

Leta, David mind kon dey judge am, bikos e kut Saul klot,