2 Kings 22:10 - Holy Bible Nigerian Pidgin English

¹⁰ E still tell di king, “Priest Hilkaya give mi one book.” Den Shafan read di book for di king.

2 Kings 22:10 ပူးပေါင်းရင်းမြစ်များ

2 Kings 22:11

Wen di king hear di laws wey dey di book, e kon tear en klot.

2 Kings 22:9

Shafan go meet di king kon tell am, “Yor savant don gada di money for di temple kon give di men wey won ripair di Temple.”

2 Kronikles 34:18

Shafan still tell di king, “Na Priest Hilkaya give mi dis book.” Den Shafan shaut as e dey read wetin dey di book give di king.

Nehemaya 13:1

Wen dem dey read Moses law give di pipol, dem kon rish di place wey sey make dem nor allow any Ammon or Moab pesin join God pipol.

Nehemaya 8:18

From di first day wey di festival start go rish di end, dem dey read one-one part from God law evriday. Dem celebrate for seven days kon finish di festival for di eight day, just as dem rite am for di law.

Isaya 66:2

Na my hand I take make heaven and eart; dem with evritin wey dey inside na my own. Mi wey bi Oga God, don tok! I go bless di pesin wey dey honbol and dey ready to turn from sin kom meet mi; pesin wey dey fear and obey mi.

Isaya 66:5

Make una listin to wetin God tok, “Una own pipol hate and porshu una bikos una dey obey my name. Dem dey laf una sey ‘Oya! Make una honor God name na! Make belle sweet una na!’ ” But make una nor worry, bikos na dem go shame.

Jeremaya 13:18

God tell mi, “Make yu go tell di king and en mama sey, make dem komot for di throne, bikos dia fine crown don fall komot for dia head.

Jeremaya 36:13

Den Mikaya tell dem evritin wey e hear Baruk dey read give di pipol.

Jeremaya 36:15

Dem tell am, “Make yu sidan and read wetin dey di book for us.” So Baruk read am give dem.

Jeremaya 36:21

Den di king tell Jehudi, “Make yu bring di book kom.” So, Jehudi go bring di book kom from Elishama room kon read am give di king and en ofisas wey stand round am.

Jeremaya 36:6

So I wont make yu go der wen di pipol dey fast again, den read wetin I tell yu sey God tok, wey yu rite for dis book, so dat all of dem go hear am.