2 Kings 21:5 - Holy Bible Nigerian Pidgin English

⁵ For di two kourtyard wey dey God Temple, e build altar for all di stars wey dey di sky.

2 Kings 21:5 ပူးပေါင်းရင်းမြစ်များ

1 Kings 6:36

Dem build one kourt for di temple front kon use cedar wood and stones take make di wall.

1 Kings 7:12

Around di great kourtyard, na three row of betta stones and one row of cedar wood dey der like di kourt for inside God Temple and di palis hall.

2 Kings 23:12

Di altars wey Judah kings build for Ahaz room for up, plus di one wey Manasseh build for di two kourtyard for God Temple, di king burn all of dem kon trow dia ashes for Kidron Valley.

2 Kings 23:4

Di king kon orda Hilkaya wey bi di High Priest, di priest wey follow am and di guards sey, evritin wey dem take dey woship Baal and Asherah juju and all di stars wey dey God Temple, make dem bring am kom out. Di king burn dem outside Jerusalem for Kidron Valley kon karry dia ashes go Bethel.

2 Kings 23:5

E kill all di priest wey nor know God wey Judah kings bin choose sey na dem go dey offa sakrifice for di high place for di towns for Judah and di arias around Jerusalem. (Dem dey offa sakrifice to Baal, di sun and moon; to di planets and all di stars for di sky.)

2 Kings 23:6

E remove Asherah juju pole from God Temple kon burn am outside Jerusalem for Kidron Valley. E burn am to ashes kon trow am put for where dem for dey beri pipol.

2 Kronikles 33:15

E remove all di juju and image dem from God Temple. All di altars wey e build for di hill for God Temple and for Jerusalem, e trowey dem.

2 Kronikles 33:5

For di two kourtyard for God Temple, e build altars for all di stars for di sky.

2 Kronikles 4:9

E make di kourtyard for di priests, di big kourt and di door for di kourt kon design dem with bronze.

Ezekiel 40:28

Di man take mi pass di sout gate kon enter inside di kourt. E measure di gate and na di same size with di ones wey dey outside di kourt.

Ezekiel 40:32

Di man take mi pass di east gate enter inside di kourtyard. E measure di gate and na di same size like di oda ones.

Ezekiel 40:37

Di big room face di kourt for outside. Dem still karve palm tree for di wall wey dey di passage. Na eight steps dem go pass rish der.

Ezekiel 40:47

Di man measure inside di kourt and e wide and long rish one hundred and seventy-five fit. Di temple dey for di west side and di altar dey di temple front.

Ezekiel 42:3

Opposite di space wey bi thirty-five fit wey dey for di kourt for inside and outside, dem build am as three story and dem face each oda.

Ezekiel 43:5

Den God Spirit karry mi go inside di kourtyard and God glory full di temple.

Ezekiel 44:19

Before dem go-go di kourt for outside where pipol dey, dem go first pul dia klot wey dem wear take work inside di temple kon leave am for di holy rooms. Dem go wear anoda klot, so dat dia holy klot nor go tosh pipol.

Ezekiel 8:16

So E take mi go inside di kourtyard for di temple. Near di Holy Place gate wey dey near di altar and di varanda, twenty-five men dey der. Dem back di Holy Place kon dey bow face di east, dey woship di sun as e dey raiz.