2 Kings 2:8 - Holy Bible Nigerian Pidgin English

⁸ Elijah use en garment nak di wota and di wota divide into two. Den, two of dem waka pass for dry groun.

2 Kings 2:8 ပူးပေါင်းရင်းမြစ်များ

1 Kings 19:13

As e hear am, e kover en face with en klot kon waka go di kave door-mot for outside. Den one vois tell am, “Elijah! Wetin yu dey do for here?”

1 Kings 19:19

Elijah komot from der kon si Elisha, wey Shafat born, dey work with twelf melu for en farm. E sidan on-top one, while eleven dey en front. Elijah remove en own klot kon use am take kover Elisha body.

2 Kings 2:14

Den e take di garment wey Elijah drop for am take nak di wota kon sey, “Where di Oga wey bi Elijah God?” Den e nak di wota again and di wota divide into two. So Elisha kon waka pass go di oda side.

Exodus 14:29

But Israel pipol waka pass di sea for dry groun and di wota form wall for dem, both for dia rite and left side.

Isaya 11:15

God go divide Egypt pipol sea; E go wave en hand pass Eufrates River kon send one strong breeze, den E go turn am to seven small river wey don dry kon make pipol dey waka pass with ordinary leg.

Hibru 11:29

Na faith make Israel pipol cross di Red Sea like sey na dry land, but wen Egypt pipol try am, di wota swallow all of dem.

Hibru 11:37

Dem stone some; use saw kut some into two; take swod kill some; some wear goat and sheep skin dey hide waka and dem nor get anytin; dem sofa some and trit odas anyhow.

Revelashon 16:12

Den di sixt angel pour wetin dey en basin put for River Eufrates. Di river dry and road kon dey for di kings wey dey kom from east.

1 Samuel 28:14

Di king ask di woman, “Na how e look like?” Di woman ansa, “Na old man dey kom so-o! Dem wrap en body with klot!” Den Saul know sey na Samuel and e kon bow face groun.