2 Kings 2:19 - Holy Bible Nigerian Pidgin English

¹⁹ Den di men for di town tell Elisha, “Awa oga! Even doh yu si sey di town dey for betta aria, di wota bad well-well and anytin wey dem plant for di land, nor dey grow.”

2 Kings 2:19 ပူးပေါင်းရင်းမြစ်များ

1 Kings 16:34

For di time wey e bi king, Hiel wey kom from Bethel kon build Jeriko again. As God don tok thru Joshua wey bi Nun pikin, Hiel first pikin, Abiram, die wen dem start to build Jeriko foundashon and en last born, Segub kon die wen dem dey won put di town gate.

1 Kings 18:13

And na true sey, my oga know wetin I do wen Jezebel dey kill God profets. I hide hundred profets for two kave, fifty-fifty for each kave and I dey give dem wota and food.

1 Kings 18:7

As Obadaya dey go en side, Elijah kon si am. As Obadaya notis sey na Profet Elijah, e fall face groun kon sey, “My oga, Elijah! Na yu really bi dis?”

2 Kings 2:18

Wen dem kom back kon meet Elisha for Jeriko, e kon tell dem, “I nor warn una sey make una nor go?”

2 Kings 2:20

Den Elisha sey, “Make una give mi one bowl kon put salt for inside.” Afta dem bring di bowl,

Exodus 15:23

Den dem rish Marah, but dem nor fit drink di wota wey dey dat place, bikos e bitter (na dis make dem dey koll am, Marah.)

Exodus 23:26

Evry woman go get shidren and doz wey get belle for una land, go must born pikin and una go get long life.

Exodus 7:19

Den God tell Moses, “Tell Aaron sey, ‘Make yu stresh yor stik wey dey yor hand on-top di river, creek and pond dem for Egypt and dem go turn to blood; even di wota wey dey inside wood and stone kontaina.’ ”

Hosea 9:14

Oga God, na wetin I won sey make Yu do to dis pipol? Make dia wimen nor get belle at-all and nor let dem train dia own shidren!

Nombas 12:11

So Aaron tell Moses, “My oga, abeg, nor let us sofa dis ponishment bikos of awa foolish sin.

Deutronomi 28:11

God go make una shidren, animal and plant many kon make una prosper for di land wey E promise una grand-grand papa sey, E go give una.

1 Timoti 5:17

Doz wey dey lead well, make dem pay dem well, especially doz wey dey work and tish well-well, so dat di gospel go stand.

Joshua 6:17

Di town plus evritin wey dey inside go bi God own, escept Rahab wey bi ashawo and evribody wey dey with am for inside en house, bikos e hide awa pipol wey go spy di town.

Joshua 6:26

For dat time, Joshua kon swear sey: “Anybody wey sey e won build Jeriko town again, God go kondemn am. “E first boy pikin go die as e stay to build am and en last boy pikin go die wen e dey put di gate!”