2 Kings 19:4 - Holy Bible Nigerian Pidgin English

⁴ May bi di Oga yor God go hear all di tins wey di shief adviser sey Assyria king sey make e tok against God wey dey alive. Wen di Oga yor God hear, may bi E go ponish Assyria king for all di tins wey e tok. So make yu pray to God for awa pipol wey remain.’ ”

2 Kings 19:4 ပူးပေါင်းရင်းမြစ်များ

Jenesis 22:14

So Abraham koll di place, “Jehovah-Jireh, wey mean (God dey provide).” And till today dem dey sey, “For God mountin, E go provide evritin.”

2 Samuel 16:12

May bi God go si my sorrow and E go give mi some blessing wey go remove dis curse.”

2 Kings 18:13

For fourteen years wen King Hezekaya dey rule, King Sennakerib for Assyria attack all di towns wey dem guide well-well for Judah kon seize dem.

2 Kings 19:16

My God, make Yu listin well-well! Make Yu open yor eye si tins for yorsef! Listin to di message wey Sennakerib send kom and as e curse Yu wey dey alive!

2 Kings 19:22

Na who yu dey trobol and curse like dis? Na who yu dey shaut for and look with bad eye? Na di Holy One for Israel?

2 Kings 19:23

Yu send yor messenja make e kon boast for mi sey, yu use yor shariot and men take konker di highest mountin for Lebanon. Yu dey boast sey yu don kut di tall cedars and all di betta trees. And di part wey deep pass for di forest, yu boast sey yu don rish der.

2 Kings 19:3

“Dis na wetin Hezekaya tok: ‘Today na bad day, bikos na curse and trobol full am. E just bi like wen woman wey get belle won born, but e nor get pawa to push di pikin out.

2 Kings 19:30

Doz wey remain for Judah go prosper like plant wey en rut enter groun kon dey produce betta fruit.

2 Kings 19:31

For Mount Zion and Jerusalem, pipol go dey save, bikos God sey dis tins must happen.’

2 Kings 19:5

Wen Isaya hear King Hezekaya message,

2 Kronikles 32:20

King Hezekaya and Profet Isaya wey bi Amos pikin kon pray and kry to God.

Psalms 50:15

Afta, make una koll mi wen una dey trobol and I go kom save una, den una go give mi all di glory.”

Psalms 50:21

As una dey do all dis tins, I nor tok at-all and una feel sey I nor kare. But naw, I go distroy una kon rite evritin wey I get against una.

Psalms 74:18

My God, si as di enemies dey curse Yu. Pipol wey nor get sense nor dey respet yor name.

Isaya 1:9

If to sey Oga God wey get pawa nor let some of di pipol survive, dem for don distroy Jerusalem finish, like Sodom and Gomorrah.

Isaya 10:6

I send Assyria pipol go attack di nashons wey nor know mi kon karry, tif and skata di pipol like dirty for street.

Jeremaya 23:36

So make una nor sey God message na wahala, bikos if anybody tok like dat, den di message go bi wahala to am. Di pipol don shange dia God; di Almighty God wey dey alive, dem don shange en word.

Jeremaya 33:3

“Koll mi wen yu dey pray and I go ansa yu; I go tell yu great and wonderful tins wey yu nor know about.

Jeremaya 42:9

I tell dem, “Di Oga wey bi Israel God wey una sey make I pray give, dis na wetin E tok:

Ezekiel 36:37

God wey get pawa sey, “I go allow Israel pipol ask mi for help and dem go plenty like sheep again.

Romans 11:5

Na so e bi naw too, some Israel pipol still dey woship God bikos of en grace.

Romans 9:27

And dis na wetin Profet Isaya tok about Israel pipol, “Israel shidren many like san-san wey dey wotaside. But na few of dem, God go save.

Deutronomi 32:36

God go judge en pipol and E go shange en plan about en savant; wen E si sey dia pawa don vanish and nobody remain again, weda na slave or free pesin.

Joshua 14:12

So make yu give mi di kountry for hill wey God promise mi dat time! Dat time, yu know sey na Anak pipol dey der with dia big-big towns. But if God dey with mi, I go distroy dem, as God promise.”

Joshua 3:10

Joshua sey, “Na like dis una go take know sey, God wey nor dey die dey with una and E go really porshu Kanaan, Hit, Hiv, Periz, Girgash, Amor and Jebus pipol komot for una.

1 Samuel 14:6

Jonatan kon tell en savant, “Kom make wi go di oda side go meet all dis men wey dem nor sekonsaiz. May bi God fit fight for us. Nor-tin go fit stop God to save us, weda dem many or small.”

1 Samuel 17:10

Den e kon sey, “I dey shalenge Israel sojas today sey, ‘Make una pick one pesin, make e kon fight mi!’ ”

1 Samuel 17:26

David ask di men wey stand near am, “Na wetin dem go do for di man wey go kill dis Filistia man kon free Israel from shame? Bikos who bi dis Filistia man wey nor sekonsaiz, wey dey shalenge God wey dey alive, sojas?”

1 Samuel 17:45

But David ansa am, “Yu dey kom meet mi with swod, spear and javelin. But I dey kom meet yu with di name of di Oga wey bi God of all ogas; Israel sojas God wey yu dey shalenge.