2 Kings 19:12 - Holy Bible Nigerian Pidgin English

¹² Where di kountries wey my grand-grand papa dem distroy. Where Gozan, Haran, Rezef and di pipol for Eden for Telassar? Dia gods save dem?

2 Kings 19:12 ပူးပေါင်းရင်းမြစ်များ

Jenesis 11:31

Terah kon karry en pikin Abram, en grand-pikin Lot and en pikin wife Sarai, dey follow body go Ur for Kaldea, so dat dem go-go Kanaan. Wen dem rish Haran, dem kon stay for der.

Jenesis 11:32

Di total life wey Terah live na two hundred and five years, den e kon die for Haran.

Jenesis 2:8

God make Eden Gardin for di east kon put di man wey E kreate for der.

Jenesis 29:4

Jakob kon ask am, “My brodas, where una from kom?” Dem ansa, “Na from Haran.”

2 Kings 17:6

For nine years wen Hoshea dey rule, Assyria king katch Samaria kon karry Israel pipol go Assyria. E keep dem for Halah near Habor (Gozan river) and for Medes town.

2 Kings 19:11

True-true yu don hear wetin Assyria king do to di oda lands. Yu tink sey God go save yu?

1 Kronikles 5:26

So God make King Pul for Assyria (wey dem still dey koll Tilgat-Pilneser) attack dia kountry. E karry Reuben tribe, Gad tribe and half of Manasseh tribe go stay for Halah, Habor, Hara and Gozan River and na der dem dey till today.

Isaya 37:12

Na my papa dem distroy Gozan, Haran and Rezef town and dem kill Eden pipol for Telassar and no god fit save dem.

Ezekiel 27:23

Haran, Kanneh and Eden town; di sojas for Sheba, Asshur and Kilmad town; all of dem dey buy and sell with una.

Acts 7:4

So Abraham leave Kaldean kountry kon go stay for Haran. Afta en papa die, God kon tell am make e stay for dis land wey una dey naw.