2 Kings 17:3 - Holy Bible Nigerian Pidgin English

³ King Shalmanesa for Assyria treaten am; so Hoshea kon bi en savant and e dey pay tax to am.

2 Kings 17:3 ပူးပေါင်းရင်းမြစ်များ

2 Samuel 8:2

E win Moab pipol too. E make dem liedan for groun kon divide dem group by group and for evry three group, e kill two. So Moab pipol kon dey work and pay dia tax give David.

2 Samuel 8:6

Den e build soja kamp for dia aria and dem kon dey pay dia tax to am. God make David win for evriwhere.

2 Kings 15:19

Assyria king, Pul kon attack di land and Menahem kon gi-am 1,000 silva, so dat di king go support and help am kontrol di kingdom.

2 Kings 15:20

Menahem kollect di silva from di rish pipol wey dey Israel. E take fifty-fifty silva from all of dem kon gi-am to Assyria king. Den Assyria king komot dia land and e nor kom back again.

2 Kings 15:29

Wen Pekah dey rule Israel, King Tiglat-Pileser for Assyria kon attack and katch Ijon, Abel-Bet Maaka, Janoah, Kedesh, Hazor, Gilead and Galilee, plus all di aria for Naftali, den e karry di pipol go Assyria.

2 Kings 17:2

E nor gri obey God, but en own nor bad rish di tins wey di oda kings wey dey before am, do.

2 Kings 17:4

Assyria king find out sey King Hoshea dey plan against am, bikos e don send message go meet King So for Egypt and e nor gri pay tax to Assyria king again. So Assyria king kon arrest and put am for prison.

2 Kings 18:31

“Make una nor listin to Hezekaya! Bikos Assyria king sey, ‘Make una rite leta kom sey una go respet am and do anytin wey e tok. Den each of una fit chop from di vine and fig kon drink wota from well,

2 Kings 18:7

God dey with am, so evritin wey e dey do, dey prosper. E fight against Assyria pipol and e nor fear dem.

Nehemaya 9:32

Naw, awa God, di One wey dey great, get pawa and dey mighty, di Pesin wey dey keep en kovenant of love wey nor dey fail, make Yu help us as wi dey sofa. Bikos from di time wey Assyria kings first win us kom rish naw, na sofa wi dey sofa: wi and awa kings, leaders, priests, profets, grand-grand papa dem and all awa pipol.

Isaya 17:4

God sey, “For dat time, Israel pipol pawa go finish and na sofa go bi dia own.

Isaya 8:8

Dem go distroy Judah like wota wey distroy tins. Dem go spread dia feada kon kover di land and sey, ‘O Immanuel.’ ”

Ezekiel 23:5

Even doh e bi my wife, Oholah still dey do ashawo and e dey run follow Assyria sojas

Hosea 10:14

war go kom meet una and all una strong house go skata. Dat day go bi like wen King Shalman fight and distroy Bet-Arbel town kon kill both mama and dia shidren.

Hosea 10:4

Na empty words dem dey tok kon dey give lie-lie promise and naw, just as dem turn field wey betta plant suppose grow to where poizin grass full, na so too dem don turn betta judgement to bad one.

Hosea 8:10

But naw, I go gada dem togeda kon ponish dem. E nor go tey before dem go kry with pain wen Assyria king go kom opress dem.

Levitikus 26:25

I go ponish una with war, bikos una nor keep di kovenant wey I make with una and if una gada for una towns make una for dey save, I go send diziz wey dem nor dey fit cure among una and una enemies go win una.