2 Kings 17:17 - Holy Bible Nigerian Pidgin English

¹⁷ Dem offa dia shidren as sakrifice and dey do majik and oda bad-bad tins. Dem decide to dey do bad tins for God present and na dis make God dey vex.

2 Kings 17:17 ပူးပေါင်းရင်းမြစ်များ

1 Kings 14:15

God go shake Israel land like wood wey dey float for wota. E go rut Israel pipol komot from dis good land wey E give dia grand-grand papa kon skata dem pass Eufrates River, bikos dem don make am vex as dem make Asherah juju kon dey woship am.

1 Kings 21:20

Wen King Ahab si Elijah, e kon sey, “My enemy, yu don find mi si abi?” Elijah ansa, “Yes! I don find yu si. Yu don do wetin nor dey good at-all for God eye.

1 Kings 21:25

(E nor get any oda pesin wey do dis kind bad tin for God present, like Ahab, just bikos of en wife Jezebel.

2 Kings 16:3

E dey do like odas wey rule Israel before am. E even burn en pikin as ofrin and dis na one bad sin wey di kountries wey God porshu komot for der, dey do.

2 Kings 17:11

Just as di kountries wey God porshu dey do, na so too Israel pipol dey burn incense for all dia juju altar. Di bad tins wey dem dey do kon make God vex well-well.

2 Kings 17:31

di ones wey kom form Avva, make Nibhaz and Tartak; while doz wey kom form Sefarvaim dey burn dia sons for fire as sakrifice to Adrammelek and Anammelek wey bi Sefarvaim gods.

2 Kings 21:6

E dey sakrifice en sons and dey do majik. E dig one pit where dem for dey koll dead body spirit kom out kon choose majik men make dem dey look am. Di bad-bad tins wey e do many well-well for God eye, so God kon dey vex.

2 Kronikles 28:3

E use en sons take do sakrifice for Ben-Hinnom Valley and na dis kind sins di nashons wey dey der before, dey do wey make God drive dem komot di land.

2 Kronikles 33:6

E sakrifice en sons for fire for Ben-Hinnom Valley kon dey do juju and many bad-bad tins. E dig one pit and for der, doz wey don die, dem dey koll dia spirit kom back to life. E put majishan make dem dey supavise am. E do many wiked and bad tins wey make God vex.

Isaya 47:9

But dis tins go happen to yu at wons; yor shidren and husband go die for di same day and yor majik nor go fit help yu.

Isaya 50:1

Dis na wetin God tok: “Una tink sey I drive my pipol komot like man wey drive en wife komot en house? Where di leta wey I take drive una mama? Una tink sey I sell una as slave like man wey sell en shidren? No! Una bi slave, bikos of una sins and dem karry una komot from una land, bikos of di bad-bad tins wey una do.

Isaya 8:19

But pipol go tell una make una go meet doz wey dey si vishon, so dat dem go give una message and afta dem don tok anyhow, dem go sey, “Make una go meet dead body spirits, so dat dem go help una.”

Jeremaya 19:5

Dem build altar for Baal juju, so dat dem go fit sakrifice dia shidren gi-am. I nor sey make dem do like dis and I neva even tink about dis kind tin at-all.

Jeremaya 25:7

But God sey una nor gri listin to am. Instead, una dey make am vex with doz una juju kon bring ponishment for una head.

Jeremaya 27:9

Nor listin to anybody or profet wey sey e know wetin go happen tumoro; doz wey dey undastand dream; doz wey dey koll dead body or doz wey dey do majik; wey sey make una nor respet Babilon king.

Jeremaya 7:31

And dem even build where dem go for dey woship for Tofet wey dey Ben-Hinnom Valley, so dat dem go fit sakrifice dia shidren give juju for der. Dis na wetin I sey make dem nor do! True-true, dat kind tin neva even enter my mind to tell dem.

Ezekiel 16:21

yu still go sakrifice my shidren give juju.

Ezekiel 20:26

I allow dem distroy dia life with dia own ofrin kon let dem sakrifice and kill dia first pikin. Dis na to ponish and show dem sey na mi bi God.

Ezekiel 20:31

Even till today, dem still dey offa di same sakrifice and dey distroy demsef with di juju, bikos dem dey burn dia shidren for fire gi-am as sakrifice. Den Leta, una go still kom ask sey wetin I wont! But as long as I bi God wey get pawa and di God wey nor dey die, I nor go let una ask mi anytin.

Ezekiel 23:37

Dem sleep with pipol husband kon kill many pipol. Dem sleep with juju kon kill di boys wey dem born for mi. Dem sakrifice my shidren give juju.

Ezekiel 23:39

Di day wey dem sakrifice my shidren give juju, na dat day dem still dirty my temple!

Levitikus 18:21

“ ‘Make una nor give una pikin as ofrin to Molek juju, bikos e go disgrace Oga God name.

Levitikus 19:26

“ ‘Una must nor chop anytin wey still get blood for inside. Una must nor do majik or serve juju.

Levitikus 19:31

Make una nor go take advise from pipol wey dey serve dead pipol spirit. If una do am, una go dey unklean. Na mi bi Oga una God.

Mikah 5:12

I go stop all di wiked tins wey una dey do and nobody go help una dey si vishon again.

Acts 16:16

One day, as wi dey go di place where dem for dey pray, one slave girl wey get spirit wey dey make am si vishon, kon si us. Di girl oga dey use am make plenty money, anytime e tell pipol wetin go happen.

Romans 7:14

Wi know sey di law dey spiritual. But I bi human being and dem don sell mi give sin.

Galatians 5:26

Make wi nor dey karry body up and dey do wetin go vex pipol or dey jealous one anoda.

Deutronomi 32:16

Dem make am jealous, bikos dem dey serve juju and oda gods.

Deutronomi 4:25

Afta una don born shidren and grand-shidren and una don tey for di land well-well, if una spoil unasef kon make juju and do yeye tins wey go make una Oga God vex,