2 Kings 15:29 - Holy Bible Nigerian Pidgin English

²⁹ Wen Pekah dey rule Israel, King Tiglat-Pileser for Assyria kon attack and katch Ijon, Abel-Bet Maaka, Janoah, Kedesh, Hazor, Gilead and Galilee, plus all di aria for Naftali, den e karry di pipol go Assyria.

2 Kings 15:29 ပူးပေါင်းရင်းမြစ်များ

1 Kings 14:15

God go shake Israel land like wood wey dey float for wota. E go rut Israel pipol komot from dis good land wey E give dia grand-grand papa kon skata dem pass Eufrates River, bikos dem don make am vex as dem make Asherah juju kon dey woship am.

1 Kings 15:20

King Ben-Hadad agri with wetin King Asa tok and e send en soja kommander make dem go attack Israel town. Dem attack and katch Ijon, Dan, Abel-Bet Maaka; di arias near Galilee wotaside and evriwhere for Naftali.

1 Kings 9:11

King Hiram for Tyre kon give Solomon all di cedar wood, pine wood and all di gold wey e wont for di work. Afta e don finish, Solomon kon give Hiram twenty towns for Galilee aria.

2 Kings 15:19

Assyria king, Pul kon attack di land and Menahem kon gi-am 1,000 silva, so dat di king go support and help am kontrol di kingdom.

2 Kings 15:20

Menahem kollect di silva from di rish pipol wey dey Israel. E take fifty-fifty silva from all of dem kon gi-am to Assyria king. Den Assyria king komot dia land and e nor kom back again.

2 Kings 15:28

E nor gri obey God; e kontinue to dey do bad tins like Nebat pikin, Jeroboam wey make Israel pipol sin.

2 Kings 15:30

For twenty years wey Uzzaya pikin, Jotam don dey rule for Judah, Elah pikin, Hoshea kon plan and kill King Pekah wey Remalaya born, den e take-ova as king.

2 Kings 16:10

Wen King Ahaz go Damaskus go meet King Tiglat-Pileser for Assyria, e kon si dia juju altar wey dey der. Den King Ahaz draw as di altar bi for paper kon send am go give Uriaya wey bi di priest.

2 Kings 16:7

King Ahaz send message go give King Tiglat-Pileser for Assyria sey, “I bi yor savant and I trust yu well-well. Abeg, make yu kom save mi from Siria and Israel king, bikos dem dey attack mi.”

2 Kings 17:20

So God rijet all Jakob shidren-shidren; E disgrace and give dem to tif, until E komot all of dem from en present.

2 Kings 17:23

So God rijet Israel pipol, just as E don bin warn dem thru all en savant, di profets. Dem karry Israel pipol from dia land go Assyria and dem dey der till naw.

2 Kings 17:6

For nine years wen Hoshea dey rule, Assyria king katch Samaria kon karry Israel pipol go Assyria. E keep dem for Halah near Habor (Gozan river) and for Medes town.

2 Kings 18:11

Assyria king kon karry Israel pipol go Assyria. E keep dem for Halah near Habor (Gozan river) for Medes town.

2 Kings 19:11

True-true yu don hear wetin Assyria king do to di oda lands. Yu tink sey God go save yu?

2 Kings 8:11

Elisha kon dey look Hazael one kind, sotey Hazael kon konfuse. Den di profet start to kry.

1 Kronikles 5:22

Dem kill many enemies, bikos God fight for dem. So dem kon dey stay dat aria until dem karry dem go Babilon as slaves.

1 Kronikles 5:26

So God make King Pul for Assyria (wey dem still dey koll Tilgat-Pilneser) attack dia kountry. E karry Reuben tribe, Gad tribe and half of Manasseh tribe go stay for Halah, Habor, Hara and Gozan River and na der dem dey till today.

1 Kronikles 5:6

Beerah wey bi leader for Reuben tribe wey Tilgat-Pilneser, Assyria king karry go anoda land.

2 Kronikles 16:4

King Ben-Hadad gri with wetin King Asa tok, so e send en sojas go attack Israel towns. Dem win Ijon, Dan, Abel-Maim and all di towns where Naftali pipol dey keep tins put.

Nehemaya 9:32

Naw, awa God, di One wey dey great, get pawa and dey mighty, di Pesin wey dey keep en kovenant of love wey nor dey fail, make Yu help us as wi dey sofa. Bikos from di time wey Assyria kings first win us kom rish naw, na sofa wi dey sofa: wi and awa kings, leaders, priests, profets, grand-grand papa dem and all awa pipol.

Isaya 1:7

Una land don skata and fire don burn una towns finish. For una front, strenjas dey distroy una plants kon skata evritin wey dem si.

Isaya 37:18

“Oga God, all of us know sey, Assyria king don distroy plenty nashons kon skata dia lands;

Isaya 7:16

Even before di pikin go know how to rijet evil and choose wetin dey good, doz two kings wey dey make una fear, God go don skata dem with dia pipol.

Isaya 7:20

Wen dat time rish, God go bring di pesin wey dey barber hair for Eufrates side, wey bi Assyria king and e go kut di hair wey dey una face, head and body komot.

Ezekiel 23:9

So I kon gi-am to Assyria pipol wey e love well-well.

Levitikus 26:32

I go distroy una land finish and una enemies wey dey stay der before, go shok for di kind distroshon.

Amos 1:13

God sey, “Ammon pipol don too sin, but I go ponish dem naw, bikos dem dey fight to get more land and wimen wey get belle for Gilead, dem tear dia belle open.

Amos 1:3

God sey, “Damaskus pipol don too sin, so I go ponish dem naw, bikos dem flog Gilead pipol with stik wey get iron tit.

Amos 5:27

follow body wen I take una as slaves go anoda land wey far pass Damaskus.” Oga God wey dey mighty don tok.

Amos 6:14

Oga God wey get pawa sey, “Israel pipol, make una si! I go send sojas kom distroy una kountry and dem go opress una from Lebo-Hamat for nort go rish Arabah River wey dey sout.”

Nombas 32:1

Naw Reuben and Gad pipol get many kattle. Wen dem si sey Jazer and Gilead land dey good

Nombas 32:40

So Moses give Gilead to Makir, wey Manasseh born and e kon dey stay der.

Deutronomi 28:25

God go still allow una enemies beat una; una go attack dem from one side, but una go run komot seven side, den all pipol for di eart go dey fear bikos of wetin hapun to una.

Deutronomi 3:15

I give Gilead to Makir.

Joshua 11:1

Wen King Jabin for Hazor hear di news, e send message go meet King Jobab for Madon; Shimron king, Akshaf king

Joshua 11:10

For dat time, Joshua attack Hazor town kon kill en king, bikos na Hazor town dey lead all di kingdoms.

Joshua 11:13

But Israel pipol nor burn any town wey dey di hill, escept Hazor wey Joshua burn.

Joshua 12:19

Madon king, Hazor king,

Joshua 16:6

E from der go di sea and Mikmetat for di nort. E still from der go di east side for Taanat-Shiloh kon cross go Janoah east.

Joshua 19:35

Di strong towns na Ziddim, Zer, Hamat, Rakkat, Kinneret,

Joshua 19:37

Kedesh, Edrei, En-Hazor,

Joshua 20:7

So dem selet Kedesh for Galilee wey dey Naftali kountry on-top di hill; Shekem wey dey Efraim kountry on-top di hill and Kiriat-Arba (wey bi Hebron) wey dey Judah kountry for hill.

Judges 18:30

Den, dem arrange di juju kon make Jonatan wey bi Gershom pikin, dia priest and na Moses born Gershom. So na dat family bi priest until dem go Babilon.

Judges 4:2

So God kon give dem to King Jabin for Hazor for Kanaan make e rule dem. Di kommander for en sojas na Sisera, wey kom from Haroshet-Haggoyim.