2 Kings 10:26 - Holy Bible Nigerian Pidgin English

²⁶ Dem bring di pila for di juju temple kom outside kon burn dem.

2 Kings 10:26 ပူးပေါင်းရင်းမြစ်များ

2 Samuel 5:21

Wen Filistia pipol dey run, dem run leave dia juju and David and en men kon karry dem komot.

1 Kings 14:23

Dem build where dem for dey woship yeye gods kon use stones build Asherah juju for evriwhere, on-top di hills and for under evry green trees.

1 Kings 15:13

E remove en mama Maaka, as kween moda, bikos e dey serve Asherah juju. King Asa skata di juju kon burn am for Kidron Valley.

1 Kings 16:32

For Samaria, e build temple, make altar kon put Baal for inside.

2 Kings 11:18

Di pipol kon go skata dia juju, di juju house dem and en altar. Dem kill Mattan wey bi di juju priest for di altar front. Jehoiada kon put guards for di Temple.

2 Kings 18:4

E distroy di high place dem with dia juju, shrine and Asherah juju. E still distroy di bronze snake wey Moses make, bikos till dat time, Israel pipol still dey offa sakrifice gi-am. Dem dey koll am, “Nehushtan.”

2 Kings 19:18

Dem don burn di gods for di oda kountries, bikos dem nor really bi god, bikos na human being make dem with dia hand from wood and stone. Dat na why Assyria king fit distroy dem.

2 Kings 23:12

Di altars wey Judah kings build for Ahaz room for up, plus di one wey Manasseh build for di two kourtyard for God Temple, di king burn all of dem kon trow dia ashes for Kidron Valley.

2 Kings 23:4

Di king kon orda Hilkaya wey bi di High Priest, di priest wey follow am and di guards sey, evritin wey dem take dey woship Baal and Asherah juju and all di stars wey dey God Temple, make dem bring am kom out. Di king burn dem outside Jerusalem for Kidron Valley kon karry dia ashes go Bethel.

2 Kings 23:6

E remove Asherah juju pole from God Temple kon burn am outside Jerusalem for Kidron Valley. E burn am to ashes kon trow am put for where dem for dey beri pipol.

2 Kings 3:2

Even doh e nor gri follow God kommand, e nor bi like en papa and mama, bikos e skata di Baal juju wey en papa make.

1 Kronikles 14:12

Wen Filistia pipol dey run, dem leave dia juju, so David orda en pipol make dem burn dem trowey.

2 Kronikles 34:7

E distroy di altar, Asherah juju and di oda juju kon skata all di incense altars wey dey for Israel town, den e go back to Jerusalem.

Isaya 27:9

So like dis, God go forgive Jakob shidren and na like dat dem go take show sey dem nor go sin again. Dem go skata all di stone for dia juju altars kon distroy Asherah juju and all di incense altars.

Deutronomi 7:5

Dis na wetin una go do. Una must skata di pagans altar kon distroy all dia juju pilas. Make una kut dia Asherah pole for groun kon burn dia juju.