1 Timoti 6:4 - Holy Bible Nigerian Pidgin English

⁴ dat pesin dey proud and na only to dey argue and kworel, e know. Dis kind tin nor good, bikos jealousy; kworel; lie-lie; to dey suspet odas anyhow

1 Timoti 6:4 ပူးပေါင်းရင်းမြစ်များ

Proverbs 13:7

Poor pipol dey bihave like sey dem get money, but doz wey get money dey pritend sey dem poor.

Proverbs 25:14

Pipol wey dey promise and fail bi like kloud and heavy breeze wey nor dey bring rain.

Proverbs 26:12

Pesin wey foolish well-well, betta pass pesin wey tink sey e wise, but e nor get sense.

Isaya 58:4

Una fasting dey make una wiked and una still dey kworel and fight. Una tink sey dis kind fasting go make mi listin to una prayers?

Acts 15:2

Wen Paul and Banabas don argue with di pipol well-well, di church pipol kon send Paul and Banabas with some oda pipol go Jerusalem go meet di apostles and di eldas, so dat dem go ask dem about di matter.

Acts 18:15

but since na matter about word, name and una own law, make una go setol am by unasef. I nor go judge all doz kind tins!”

Acts 8:9

E get one strong man for di town wey dem dey koll Simon and e dey do majik wey dey make Samaria pipol sopraiz.

Romans 12:16

Make una try to bi friend with evribody. Make una nor karry body up kon feel sey una wise pass evribody, instead, make una dey make friend with doz wey nor dey important.

Romans 13:13

So make wi dey bihave well as pipol dey do for day time. Nor go anyhow party or drink too mush, den kon dey bihave anyhow. Nor kworel or judge pipol.

Romans 14:1

Make una dey welkom God pipol. Even doh dia faith nor too strong, make una nor curse dem, bikos of wetin dem dey tink sey dey good or bad.

Romans 2:8

But E go show en vexnashon and ponish doz wey bikos of long-trot rijet di trut kon dey do bad tins.

1 Korintians 11:16

Dis na how dem dey do tins for God church, so nobody go fit follow mi kworel for wetin I dey tok.

1 Korintians 11:18

Bikos I hear sey wen una gada dey woship God for church, na so-so kworel una dey kworel and I bilive sey some for wetin I hear, na true.

1 Korintians 3:18

Make una nor let anybody deceive una. If anybody tink sey e get sense for dis life, make e turn to fool, so dat e go really get sense.

1 Korintians 3:3

bikos una neva get di Spirit since jealousy and kworel still dey among una. Dis mean sey una neva get di Spirit and una still dey live like pipol wey dey di world.

2 Korintians 11:20

Una like make pesin turn una to slave; use and shit una; take evritin wey una get, den beat and slap una anyhow.

Galatians 5:15

But if una kontinue to kworel among unasef; una go fit wound or kill each oda by mistake.

Galatians 5:26

Make wi nor dey karry body up and dey do wetin go vex pipol or dey jealous one anoda.

Galatians 6:3

Bikos if anybody tink sey, en too big wen e nor bi anytin, e dey deceive ensef.

Filippians 1:15

True-true, na jealousy and kworel make some dey prish about Christ, but odas dey do am with betta mind.

Filippians 2:14

Make una nor use vexnashon take work for God,

Filippians 2:3

Make una nor dey karry body up, but make una trit each oda like unasef. Instead, una dey do wetin una like, bikos of di tins wey una go gain, so dat una go fit boast.

Kolossians 2:18

Make una nor let doz wey dey pritend and woship angels judge una. Dat kind pesin dey tok anyhow about vishon wey e sey e si, but na yeye tins and sin full en mind.

2 Tesalonians 2:4

E go oppoz and karry ensef pass God and oda tins wey pipol dey woship. E go even sidan for God Temple dey tok sey e bi God.

1 Timoti 1:4

but dey waste oda pipol time with di words wey dem dey tok. Dis kind tin dey make pipol live yeye life, instead of to dey hear God word wey dey make pesin faith strong.

1 Timoti 1:7

Dem won tish pipol di law, but dem nor undastand wetin dem dey tok, even doh dem dey tok with strong heart.

1 Timoti 3:6

Who won bi leader must bi pesin wey get strong faith, bikos if e nor strong for faith, e go start to karry body up, den Satan go ponish am.

2 Timoti 2:14

Make yu remind evribody about dis tins, den make yu kommand dem for God present sey, make dem nor dey argue about words, bikos doz kind tins nor dey good and e fit konfuse doz wey dey listin.

2 Timoti 2:23

I dey tell yu again sey, make yu nor put mout for yeye word, bikos yu know sey dis kind tin dey kause kworel.

2 Timoti 3:4

Dem go betray dia friends; dey do tins before dem tink; dey feel sey dem dey important and dem go love enjoyment pass God.

Titus 3:9

Nor put mout for word wey nor dey good: like matter wey koncern who born who and kworel or fight about Jew pipol law. All dis tin dey yuzles and dem nor mean anytin.

James 1:19

My brodas and sistas, make una undastand dis tins: Make una dey listin well-well and nor dey kwik tok or vex.

2 Pita 2:12

But dis men bi like animal wey nor dey tink; animals wey pipol fit kill anyhow and dem just dey do as dem like. Dis pipol dey tok anyhow and na distroshon go end dia life.

2 Pita 2:18

Dem dey use dia big-big grammar wey nor mean anytin, take deceive pipol wey just dey won komot hand for bad tins.

Jude 1:10

But dis pipol nor undastand wetin dem dey tok and dis na wetin dem suppose to undastand without sey pesin tish dem. As animals nor dey tink before dem do tins, na so dis pipol dey bihave.

Jude 1:16

Dis pipol dey komplain waka and dey find fault. Dem dey go anywhere wey dia body karry dem go and dem dey boast. Dem dey tok wetin pipol like to hear, so dat odas go praiz dem.

Revelashon 3:17

Bikos yu dey sey, “I get plenty money and I nor nid anytin!” But yu nor know sey yor kondishon bad well-well, yu dey sofa; yu poor; blind and naked.