1 Timoti 6:19 - Holy Bible Nigerian Pidgin English

¹⁹ If dem dey do like dis, dem go dey use dia money and propaty take lay good foundashon for dia future, so dat dem go get life wey nor dey end.

1 Timoti 6:19 ပူးပေါင်းရင်းမြစ်များ

Psalms 17:14

My God, with di pawa wey dey yor hand, make Yu distroy pipol wey dey espect dia reward from dis world. But doz wey Yu like well-well, make Yu give dem enough and dia shidren go get plenty kon die leave propaty for dia shidren-shidren.

Proverbs 10:25

Wen heavy breeze dey blow, e go blow wiked pipol trowey, but pipol wey dey tok trut, dey always dey save.

Proverbs 31:25

E dey strong; dem dey respet am and e nor dey fear wetin go happen for future.

Ekklesiastes 11:2

But e betta if yu put am for many business, bikos yu nor know where wahala go from kom.

Matiu 19:21

Jesus tell am, “If yu won dey pafet, go sell evritin wey yu get, den give di money to poor pipol and yu go get betta tins for heaven. Wen yu don do wetin I tok, den make yu kom follow mi.”

Luke 12:33

Make una sell evritin wey una get and give di money to poor pipol. Bag wey nor go tear, make una take am gada betta tins for heaven, where tif nor go fit rish and siti-siti nor go fit spoil dem.

Luke 16:25

“But Abraham ansa, ‘My pikin, remember sey wen yu dey alive, yu dey enjoy good tins, but Lazarus nor enjoy at-all. But naw, e dey enjoy for here and yu dey sofa for der.

Luke 16:9

So I tell una true word, make una use una money well, so dat una go make friends for unasef and wen di money finish, God go welkom una for en kingdom wey go dey forever.

Luke 18:2

E sey, “One judge dey for one town wey nor dey fear God and e nor dey respet anybody.

Luke 18:22

Wen Jesus hear wetin di man tok, e kon tell am, “E still get one tin wey yu neva do, make yu sell evritin wey yu get, give di money to poor pipol, den yu go get betta propaty for heaven. Afta dat, make yu kom follow mi.”

Galatians 5:6

For Christ, e nor matter weda dem sekonsaiz pesin or not; di only tin wey matter, na faith wey dey work thru love.

Efesians 3:17

So dat Christ go dey inside una heart thru faith and wen una don strong well-well inside God love,

Filippians 3:12

Nor bi sey I don get evritin wey I wont or God don make mi pafet, but I dey try make I get di prize wey dey kom from God kon hold am as Jesus Christ whole mi.

Filippians 3:14

and as I put my mind for dis tins, I dey try to get di prize wey bi life for heaven; prize wey make God koll us thru en pikin, Jesus Christ.

1 Timoti 6:12

Make yu fight di fight wey dey make faith strong and whole di life wey nor dey end, wey go make pipol praiz God, bikos na dis make am koll yu.

2 Timoti 1:1

Na Paul, Jesus Christ apostle rite dis leta, bikos na so God wont am, so dat I go prish about di life wey God promise us thru Christ.

2 Timoti 2:19

But God strong foundashon still stand and dem rite put sey, “God know en pipol and evribody wey bi Christ own, must stop to do evil.”

1 Pita 1:4

Dem born us put for inheritance wey nor dey spoil, dirty or fade. God keep di inheritance for heaven for us