1 Timoti 6:18 - Holy Bible Nigerian Pidgin English

¹⁸ Tell dem sey, make dem use dia money take do good. Make dem dey do plenty good works kon dey give doz wey nor get and make dem always dey ready to share with odas.

1 Timoti 6:18 ပူးပေါင်းရင်းမြစ်များ

2 Kronikles 24:16

Dem beri am for David Town with di oda kings, bikos e do good tins for Israel and for God Temple.

Psalms 112:9

Dem dey share and give wetin dem get to poor pipol for free. Pipol go always remember dia good work forever. Dis kind pipol, go get respet and honor.

Psalms 37:3

Make yu trust God and do wetin dey good, den yu go get peace for di land and yu go prosper.

Ekklesiastes 11:6

So, make yu go plant yor seed for morning and nor stop to work until evening; bikos yu nor know di one wey yu do wey go bring gain for yu; weda na dis one, dat one or di two.

Ekklesiastes 3:12

So I gri sey, e nor get anytin wey betta rish to dey happy and enjoy yorsef as far as yu dey alive.

Isaya 32:8

But good pesin dey plan to do good tins and na-im karata dey save am.

Isaya 58:7

Make una share una food with pipol wey dey hongry kon open una door for poor pipol wey nor get house. Den give klot to pipol wey nor get anytin to wear and help una own rilashons.

Matiu 5:42

Give pipol anytin wey dem ask from yu and nor drive anybody wey kom borrow sometin from yu.”

Luke 12:21

“Na so e go bi with pesin wey dey gada money keep for ensef, but en heart nor dey with God.”

Luke 3:11

John ansa dem, “Di pesin wey get two klot must give one to pesin wey nor get at-all and di pesin wey get food must share with pesin wey nor get.”

Acts 10:38

Jesus Christ wey kom from Nazaret, na-im God give di Holy Spirit and pawa. Una still know how e do good for evriwhere kon heal pipol wey devil dey opress, bikos God dey with am.

Acts 11:29

So di disciples, evribody akordin to how e fit do rish, kon sey dem go send money go give di brodas wey dey Judea.

Acts 9:36

One woman dey for Joppa wey bi Jesus Christ disciple and en name na Tabita (wey mean Dorkas for Greek language). E dey do good tins and dey help poor pipol.

Romans 12:13

Make una give food to God pipol wey dey hongry and make una dey welkom dem for una house.

Romans 12:8

If wi dey prish, make wi prish well. If wi dey give, make wi do am with betta mind. If wi dey lead odas, make wi do awa best. If wi dey do good to odas, make wi do am with happiness.

1 Korintians 16:2

Evry Sunday, make each pesin dey keep some money for korna from di one wey e don work, as God help am rish, so dat una nor go nid to kollect money wen I kom.

2 Korintians 8:12

Bikos if e really dey una mind to do am, anytin wey una give akordin to wetin una get, God go asept am, but nor bi wetin una nor get.

2 Korintians 8:9

Una know di grace wey awa Oga God Jesus Christ get; even doh e dey rish, e kon turn poor man bikos of una, so dat thru en poverty, una go dey rish.

Galatians 6:10

So anytime wey wi get shance, make wi dey do good, especially to pipol wey bi God shidren.

Efesians 4:28

Pesin wey dey tif, make e nor tif again. Instead, make e work hard and do good with en own hand, so dat e go fit give pipol wey nor get.

1 Timoti 5:10

Evribody go know am for di good work wey e dey do sey: e don train shidren; dey welkom strenjas; dey serve God pipol; dey help doz wey nor get and e dey do difren good work.

Titus 2:14

E die for us, so dat e go free and klean us from wikedness kon turn us to en own pipol wey like to do good tins.

Titus 3:8

Dis word wey I dey tok so na trut and I wont make yu make sure sey evribody wey trust God dey do good. Dis tishing dey good and e go help evribody.

Hibru 13:16

Make una nor forget to do good and to share wetin una get with each oda, bikos doz kind sakrifice, dey make belle sweet God.

James 2:5

My brodas and sistas, make una listin! God nor choose poor pipol for dis world sey, make dem rish for faith and inherit di kingdom wey E promise sey E go give doz wey love am?

1 Pita 3:11

E must turn from di wikedness wey e dey do, kon start to do good and make e live for peace with evribody.

1 John 3:17

But pesin wey get enough tins and e nor sorry for en broda or sista for Christ wey nor get at-all, na how God love go take dey inside am?

3 John 1:11

My friend, make yu nor follow bad tin, but do wetin dey good. Di pesin wey dey do good, na God own and di pesin wey dey do wetin bad, neva know God.