1 Timoti 6:16 - Holy Bible Nigerian Pidgin English

¹⁶ Dis God nor fit die and E dey stay for lite wey nobody fit waka near. Lite wey human being neva fit si. Make all honor and pawa bi en own forever and ever. Amen!

1 Timoti 6:16 ပူးပေါင်းရင်းမြစ်များ

Job 37:23

Wi nor fit kom klose to God, bikos en pawa big well-well! E always dey rite and korrect as E dey deal with us.

Psalms 104:2

Yor dress dey shine like lite and Yu stresh di sky like curtain for heaven;

Psalms 90:2

Yu bi God wey nor dey die! Even before Yu kreate di mountins and di whole world, Yu don dey.

Exodus 3:14

God ansa, “I bi Who I bi. Dis na wetin yu go tell dem, ‘Na di God wey bi who E bi send mi kom meet una.’ ”

Exodus 33:20

God still sey, “Yu nor go fit si my face, bikos nobody wey si my face go survive.”

Isaya 57:15

Na mi bi di high and holy God, di Pesin wey go live forever. Where I dey stay, dey high and holy, but I still dey stay with pipol wey dey honbol and ready to turn from sin kom meet mi, so dat I go give dem mind and hope again.

Habakkuk 3:4

E dey shine like sun as E dey kom and lite dey shine from en hand, where en pawa der.

John 1:18

Nobody don fit si God face before. But Jesus, wey bi God ensef, wey en and en Papa bi tait friend, na-im kom show us how God bi.

John 14:9

Jesus ansa am, “So Filip, I don dey with una all dis time and yu still nor know mi? Di pesin wey don si mi, don si my Papa! Why yu kon dey sey, ‘Show us yor Papa?’

John 6:46

(Nor bi sey anybody don si di Papa before, escept mi wey kom from heaven).

John 8:58

Jesus ansa dem, “Na true word I dey tell una so, before dem born Abraham, I don already dey!”

Efesians 3:21

Make all glory for Christ church bi en own from one generashon go rish anoda. Amen!

Deutronomi 32:40

Bikos I raiz my hand go heaven kon sey, ‘As long as I dey forever,

Filippians 4:20

Make evribody give glory to God awa Papa, forever and ever. Amen.

Kolossians 1:15

God wey wi nor dey si, na Jesus bi en image and for evritin wey E kreate, na Jesus bi di first.

1 Timoti 1:17

Make all di honor and glory bi God own forever and ever! Na-im bi di King wey nor dey die, di One wey nobody dey si and na only en bi God. Amen!

Hibru 13:8

Jesus Christ na di same yestiday, today and forever, e nor dey shange!

James 1:17

bikos evry betta and pafet gift dey kom from God. E dey kom down from di Papa wey kreate lite and E nor dey shange.

1 John 1:5

Na di message wey wi hear from am, naim wi dey tell una so: Na God bi lite and darkness nor dey inside am at-all.

1 John 1:7

But if wi dey inside di lite as en ensef dey inside lite, all of us go bi en friend and Jesus wey bi en pikin, go use en blood take wosh all awa sins komot.

1 John 4:12

Nobody don ever si God before. If wi love each oda, God dey inside us and en love dey pafet inside us.

Jude 1:25

Make all glory, majesty, pawa and authority, bi God own, naw and forever thru Christ wey bi awa Oga God. Amen!

Revelashon 1:6

di one wey give us betta kingdom kon make us priest wey go dey serve God wey bi en Papa, make glory and pawa bi en own forever and ever! Amen.

Revelashon 1:8

God sey, “Na mi bi di Alfa and Omega, di One wey dey since, wey dey naw and wey go still kom, na mi bi di God Almighty!”

Revelashon 21:3

And I hear one loud vois from di throne dey sey: “Make yu look! God house don dey with human being naw. E go stay with dem and dem go bi en pipol. God ensef go dey with dem.

Revelashon 22:5

Nite nor go dey again and dem nor nid lantan or sun lite, bikos God go bi dia lite and dem go rule forever and ever with am.

Revelashon 4:11

“Awa Oga and God! Yu dey worthy to receive glory, honor and pawa, bikos na yu kreate evritin as yu wont.”

Revelashon 7:12

Dem kon dey sey: “Make praiz, glory, wisdom, tanks, honor, authority and pawa bi awa God own forever and ever. Amen!”